Удмуртиысь Егитъёслэн парламентсы мурт семьяосын будӥсь анай-атайтэк кылем пиналъёслы юрттэт сётон амалъёсты паськытатыны ӵектӥз
28.08.2019
Туннэ Егитъёслэн Кун Кенеш бордын ужась парламентсылэн витетӥ сессиез ортчиз. Солэн ужаз пыриськизы Росси Кун Думаысь депутат Алексей Загребин, Кун Кенешлэн Тӧроезлэн воштӥсез, тазалыкез утён, семья но демографи политикая ялан ужась ӧрилэн кивалтӥсез Надежда Михайлова, наукая, дышетонъя, культурая, егитъёсын ужан но йӧскалык политикая но спортъя ялан ужась ӧрилэн кивалтӥсез Татьяна Ишматова.
Гужем ӵоже Егитъёслэн парламентсы мурт пиналъёсты будэтӥсь семьяослы юрттэт сётонэз кужмоятонъя ӵектонъёс бордын ужаз. Парламентлэн ёзчиез Елизавета Щекалевалэн ӵектэмезъя, сессиын Кун Кенешлы вазиськон юнматэмын. Егит парламентарийёс анай-атайтэк кылем пиналъёслы юрттэт сётон сярысь элькун катэ воштонъёс пыртыны куро - приёмной шуиськись семьяосын будӥсь пиналъёсты дышетсконниосын дунтэк сюдыны. Со мурт пиналъёсты доразы будэтыны мылкыд карись семьяослэсь лыдзэс йылэтыны юрттоз.
Вазиськонын пусъемын: «Удмурт Элькунысь дышетонъя но наукая Министерстволэн ивортэмезъя, 2015-тӥ арысен шаерамы анай-атайтэк но соослэн чакламзытэк кылем пиналъёслэн лыдзы будэ. 2018-тӥ арлы сыӵеос 5122 адями вал. Соос пӧлысь опекае басьтэмын 3485-ез гинэ. Нош 2015-тӥ арын аслыз выль семья шедьтыны быгатӥз вал 3780 пинал. Озьы вераны луэ, мурт нылпиосты будэтыны мылкыд карисьёс ӧжытгес кылё шуыса...Югдурез воштыны юрттоз семьяослы чаклам капчиятонъёсты паськытатон. Кылсярысь, басьтэм пиналъёсты нылпи садъёсын но школаосын дунтэк сюдон».
Мукетсэ вазиськонэз ӵектӥз экология, гурт возёсъя, вузкаронъя но юрттӥськетъёсъя комитетлэн кивалтӥсез Елена Чернова. Ӵектон быдэ вуымтэосты гужем уже интыянэн герӟаськемын. Егит парламентарий Кун Кенешез пиналъёсты уже басьтӥсь ужъюртъёсын огдырлы выль ужинтыос кылдытон ужпумез эскерыны куре.
Сессиын эскерем кӧня ке юанъёс сӥземын вал Егитъёслэн парламентсылэсь но муниципал кылдытэтъёсысь таӵе ёзэсъёслэсь ужзэс радъянлы. Парламентлэн Положенияз но Регламентаз кӧня ке воштонъёс ӵектэмын. Кенешемын Удмурт Элькунын егит парламентаризмез азинтонъя Концепция дасяны. Со 2025-тӥ арозь чакламын луоз. Концепцилэсь ӵектоссэ дасян понна нимысьтыз ужась группа кылдытэмын. Солы кивалтӥсе юнматэмын егит парламентаризмъя, кунэз лэсьтонъя но интыосысь аскивалтонъя комитетлэн тӧроез Самир Джабраилов.
Гужем ӵоже Егитъёслэн парламентсы мурт пиналъёсты будэтӥсь семьяослы юрттэт сётонэз кужмоятонъя ӵектонъёс бордын ужаз. Парламентлэн ёзчиез Елизавета Щекалевалэн ӵектэмезъя, сессиын Кун Кенешлы вазиськон юнматэмын. Егит парламентарийёс анай-атайтэк кылем пиналъёслы юрттэт сётон сярысь элькун катэ воштонъёс пыртыны куро - приёмной шуиськись семьяосын будӥсь пиналъёсты дышетсконниосын дунтэк сюдыны. Со мурт пиналъёсты доразы будэтыны мылкыд карись семьяослэсь лыдзэс йылэтыны юрттоз.
Вазиськонын пусъемын: «Удмурт Элькунысь дышетонъя но наукая Министерстволэн ивортэмезъя, 2015-тӥ арысен шаерамы анай-атайтэк но соослэн чакламзытэк кылем пиналъёслэн лыдзы будэ. 2018-тӥ арлы сыӵеос 5122 адями вал. Соос пӧлысь опекае басьтэмын 3485-ез гинэ. Нош 2015-тӥ арын аслыз выль семья шедьтыны быгатӥз вал 3780 пинал. Озьы вераны луэ, мурт нылпиосты будэтыны мылкыд карисьёс ӧжытгес кылё шуыса...Югдурез воштыны юрттоз семьяослы чаклам капчиятонъёсты паськытатон. Кылсярысь, басьтэм пиналъёсты нылпи садъёсын но школаосын дунтэк сюдон».
Мукетсэ вазиськонэз ӵектӥз экология, гурт возёсъя, вузкаронъя но юрттӥськетъёсъя комитетлэн кивалтӥсез Елена Чернова. Ӵектон быдэ вуымтэосты гужем уже интыянэн герӟаськемын. Егит парламентарий Кун Кенешез пиналъёсты уже басьтӥсь ужъюртъёсын огдырлы выль ужинтыос кылдытон ужпумез эскерыны куре.
Сессиын эскерем кӧня ке юанъёс сӥземын вал Егитъёслэн парламентсылэсь но муниципал кылдытэтъёсысь таӵе ёзэсъёслэсь ужзэс радъянлы. Парламентлэн Положенияз но Регламентаз кӧня ке воштонъёс ӵектэмын. Кенешемын Удмурт Элькунын егит парламентаризмез азинтонъя Концепция дасяны. Со 2025-тӥ арозь чакламын луоз. Концепцилэсь ӵектоссэ дасян понна нимысьтыз ужась группа кылдытэмын. Солы кивалтӥсе юнматэмын егит парламентаризмъя, кунэз лэсьтонъя но интыосысь аскивалтонъя комитетлэн тӧроез Самир Джабраилов.