Эскеризы улон коркаосты но бакчаосысь юртъёсты капчиятэм амалъя пусъён ужпумъёсты
26.08.2019
Агропром огъетъя, музъем кусыпъёсъя, инкуазез уже кутонъя но утёнъя ялан ужась ӧрилэн тӧроез Владимир Варламов 267 номеро федерал катэз быдэсъян ужпумъёслы сӥзем кенешон ортчытӥз. Та закон улон коркаосты но бакчаосысь юртъёсты капчиятэм амалъя пусъёнэз чакла.
Кызьы вераз Росреестрлэн Удмурт Элькунъя Управлениезлэн кивалтӥсез Фарида Зворыгина, 2021-тӥ арысь 1-тӥ южтолэзёзь юртъёсты пусъён понна кык гинэ ужкагаз кулэ: технической план но музъем кесэглы право сётӥсь ужкагаз. Но таӵе право недвижимостьлэн Огъя кун реестраз пыртэмын ини ке, юртэз пусъён понна технической план гинэ тырмыт луэ.
Адямилэн куремезъя, сад-бакчаысь юртэз улон коркаос пӧлы пыртыны луэ. Со понна России Кивалтэтэн нимысьтыз радлык но кулэ ужкагазъёс чакламын. Коркалэсь инлыксэ воштон сярысь пуктэт юнматыны кулэ интыысь аскивалтонъя ёзэс.
Удмуртиысь ваньбур кусыпъёсъя министр Анна Боталова саклык висъяз музъем кесэгъёсты висъям понна дунъёслы. Али одӥг участоклы межевание ортчытон понна, шорлыдын вераса, 18-20 сюрс манет тыроно. Но кадастръя инженеръёс та дунэз асьсэ учкемзыя трослы йылэтыны быгато. Сыӵе учыръёсты алон понна, Анна Боталова Удмуртиын кадастр ужъёслы тужгес вылӥ дунэз Кивалтэтэн юнматыны ӵектэ. Та ласянь пуктэтлэсь ӵектоссэ дасян мынэ ини.
Владимир Варламов оскытӥз, кенешонын ӝутэм вань ужпумъёс агропром огъетъя комиссиын рос-прос эскеремын луозы шуыса. Депутатъёс котькуд ӵектонъя кулэ уж ортчытозы.
Кызьы вераз Росреестрлэн Удмурт Элькунъя Управлениезлэн кивалтӥсез Фарида Зворыгина, 2021-тӥ арысь 1-тӥ южтолэзёзь юртъёсты пусъён понна кык гинэ ужкагаз кулэ: технической план но музъем кесэглы право сётӥсь ужкагаз. Но таӵе право недвижимостьлэн Огъя кун реестраз пыртэмын ини ке, юртэз пусъён понна технической план гинэ тырмыт луэ.
Адямилэн куремезъя, сад-бакчаысь юртэз улон коркаос пӧлы пыртыны луэ. Со понна России Кивалтэтэн нимысьтыз радлык но кулэ ужкагазъёс чакламын. Коркалэсь инлыксэ воштон сярысь пуктэт юнматыны кулэ интыысь аскивалтонъя ёзэс.
Удмуртиысь ваньбур кусыпъёсъя министр Анна Боталова саклык висъяз музъем кесэгъёсты висъям понна дунъёслы. Али одӥг участоклы межевание ортчытон понна, шорлыдын вераса, 18-20 сюрс манет тыроно. Но кадастръя инженеръёс та дунэз асьсэ учкемзыя трослы йылэтыны быгато. Сыӵе учыръёсты алон понна, Анна Боталова Удмуртиын кадастр ужъёслы тужгес вылӥ дунэз Кивалтэтэн юнматыны ӵектэ. Та ласянь пуктэтлэсь ӵектоссэ дасян мынэ ини.
Владимир Варламов оскытӥз, кенешонын ӝутэм вань ужпумъёс агропром огъетъя комиссиын рос-прос эскеремын луозы шуыса. Депутатъёс котькуд ӵектонъя кулэ уж ортчытозы.