Учкемын мерлыко ужъюртъёсты тупатъян-выльдон ужпумъёс
23.08.2019
23-тӥ гудырикошконэ Алексей Прасоловлэн кивалтэмез улсын ортчиз Удмуртиысь Кун Кенешлэн Президиумезлэн кенешонэз. Вераськон мынӥз мерлыко ужъюртъёсты тупатъян-выльдон сярысь.
Кызьы вераз Ижкар Администрацилэн Тӧроезлэн воштӥсез Дмитрий Чистяков, «Большой ремонт» ӵектос улсын Ижкарын 51 нылпи садъёслэсь но 33 школаослэсь юртъёссэс выльдыны чакламын. Та дыре 49 юртъёсын ужъёс мыно ини. 31-тӥ гудырикошконозь 3 школа но 19 нылпи сад, 31 куарусёнозь – эшшо 16 нылпи сад тупатъямын луыны кулэ. 15-тӥ коньывуонозь 3 школа но 3 нылпи сад юртъёсын ужъёсты йылпумъяны чакламын. Ар пумозь 5 нылпи садъёслэн липетъёссы выльдэмын луыны кулэ на. «Такем паськыт тупатъян Ижкарын нырысьсэ ортчытӥське», - пусйиз Дмитрий Чистяков.
Воткаын быдэсъяськись ужъёс сярысь ивортӥз карлэн Тӧроез Алексей Заметаев. «Интыысь но элькун бюджетъёсысь уксёен тупатъян-выльдон 34 юртъёсын мынэ. Ужъёслэн огъя дунзы – 170 миллион манетлэсь ятыр», - шуиз со. Кивалтӥсьлэн верамезъя, 25 объектъёсын ужъёсты 2019-тӥ арын быдэстыны кулэ. 4 школаослэсь но 5 нылпи садъёслэсь липетъёссэс выльдон вуоно арлы кельтэмын.
Тупатъян озьы ик чакламын Воткалэн историезъя музейын но ватсаса тодон-валан сётон 2 ужъюртъёсын. Со сяна, 2019-2020-тӥ аръёсы 35 дышетсконниослэн юртъёсазы шунытэз чаклан тӥрлык выльдэмын луыны кулэ.
Президиумлэн кенешоназ мукет но ужпумъёс эскеремын. Та дыре элькун парламентын Кун Кенешлэн 16-тӥ сессиезлэсь ужанрадлыксэ кылдытон уж мынэ. Сессия ужаны кутскоз 10-тӥ куарусёнэ 10 часысен.
Кызьы вераз Ижкар Администрацилэн Тӧроезлэн воштӥсез Дмитрий Чистяков, «Большой ремонт» ӵектос улсын Ижкарын 51 нылпи садъёслэсь но 33 школаослэсь юртъёссэс выльдыны чакламын. Та дыре 49 юртъёсын ужъёс мыно ини. 31-тӥ гудырикошконозь 3 школа но 19 нылпи сад, 31 куарусёнозь – эшшо 16 нылпи сад тупатъямын луыны кулэ. 15-тӥ коньывуонозь 3 школа но 3 нылпи сад юртъёсын ужъёсты йылпумъяны чакламын. Ар пумозь 5 нылпи садъёслэн липетъёссы выльдэмын луыны кулэ на. «Такем паськыт тупатъян Ижкарын нырысьсэ ортчытӥське», - пусйиз Дмитрий Чистяков.
Воткаын быдэсъяськись ужъёс сярысь ивортӥз карлэн Тӧроез Алексей Заметаев. «Интыысь но элькун бюджетъёсысь уксёен тупатъян-выльдон 34 юртъёсын мынэ. Ужъёслэн огъя дунзы – 170 миллион манетлэсь ятыр», - шуиз со. Кивалтӥсьлэн верамезъя, 25 объектъёсын ужъёсты 2019-тӥ арын быдэстыны кулэ. 4 школаослэсь но 5 нылпи садъёслэсь липетъёссэс выльдон вуоно арлы кельтэмын.
Тупатъян озьы ик чакламын Воткалэн историезъя музейын но ватсаса тодон-валан сётон 2 ужъюртъёсын. Со сяна, 2019-2020-тӥ аръёсы 35 дышетсконниослэн юртъёсазы шунытэз чаклан тӥрлык выльдэмын луыны кулэ.
Президиумлэн кенешоназ мукет но ужпумъёс эскеремын. Та дыре элькун парламентын Кун Кенешлэн 16-тӥ сессиезлэсь ужанрадлыксэ кылдытон уж мынэ. Сессия ужаны кутскоз 10-тӥ куарусёнэ 10 часысен.