Кун Кенешысь депутатъёс тазалыкез утён удысысь югдурен тодматскизы
26.02.2019
Туэ шаерамы туберкулёз элькун эмъяськоннилы юрт пуктыны кутскозы. Нош Камбарка ёросысь Балаки но Вавож ёросысь Жуё-Можга гуртъёсын фельдшер-акушер пунктъёсты лэсьтон мытэмын луоз. Та ужъёс федерал бюджет чотын быдэсъяськозы. Та сярысь верамын вал Кун Кенешлэн сессияз. «Кивалтэт час» улсын депутатъёс тазалыкез утён удысын кылдэм югдурен тодматскизы. Ивортон лэсьтӥз элькунысь тазалыкез утёнъя министр Игорь Титов.
Солэн верамезъя, туэ, азьвыл аръёсы сямен ик, бадӟым саклык висъяськоз висёнъёсты вазь шараян но алон ужпумъёслы. 2018-тӥ арын диспансеризациез 240 сюрслэсь ятыр адями ортчиз. Эскеронъёс дыръя выльысь 29 сюрс висён шараямын. Со сяна, висёнъёсты кылдытӥсь мугъёс пусъемын: шонертэм сиськон, мугорлэн мултэс секталаез, пыдын ӧжыт ветлон. Министрлэн верамезъя, бадӟым пайдалыксэс возьмато интыосы потаса ужась бригадаос. Ёросъёсын азьланьтӥсько «Онкодесант» но «Кардиодесант» акциос. Кылем ар ӵоже шаерамы 19 фельдшер-акушер пункт лэсьтэмын, одӥгез соос пӧлысь – федерал бюджет чотын. Оштолэзьлэн пумозязь Сарапул, Вотка но Ува ёросъёсын эшшо 3 ФАП усьтӥськыны кулэ на.
2018-тӥ арын шаерысьтымы эмъяськонниосы федерал бюджет чотын 16 автомобиль вуиз. Миым озьы ик интыысь интые нуллыны луоно маммограф но 2 огъет басьтэмын. Выльдэмын нылпи поликлиникаослэн но эмъяськонниослэн тӥрлыксы. Кылем арын Ижкарысь Ленин ёросын нылпи поликлиника лэсьтон йылпумъямын. Южтолэзе отчы нырысетӥосыз пациентъёс вуозы. Азьвыл сямен ик лэчыт луэ удысэз ӧнерчиосын тырмытон. Кылем арын гуртэ ужаны мынэм 40 врачъёс но 12 фельдшеръёс «Земский доктор» программая юрттэт басьтӥзы. Туэ 75 врачъёслы но 40 фельдшеръёслы таӵе тыронъёс чакламын.
2019-тӥ арлы удыс азе пуктӥськись ужпумъёс пӧлысь Игорь Титов валтӥсь шуыса пусйиз тазалыкез утёнъя йӧскалык проектэз быдэсъянэз. Азьланьтэмын луоз нылпи эмъяськонниослэсь но поликлиникаослэсь, озьы ик пыктос висёнъёсъя элькун диспансерлэсь но сэр висёнъёсъя 5 ёзэтъёслэсь тӥрлыксэс выльдон. Быдэсъяськыны кутскоз «Электронное здравоохранение» проект. Со калыклы эмъюрттэт сётонэз капчиятыны но ӝогомытыны луонлык сётоз.
Депутатъёс министрлы асьсэлэсь юанъёссэс сётъязы. Оскемзэс веразы, тазалыклэн арез удыс понна пайдатэм уз луы шуыса. Выльдӥськон но азинтӥськон ласянь бадӟымесь ужрадъёс чакламын. Соос одно ик быдэстэмын луыны кулэ, сӥзизы люкаськемъёс.
Солэн верамезъя, туэ, азьвыл аръёсы сямен ик, бадӟым саклык висъяськоз висёнъёсты вазь шараян но алон ужпумъёслы. 2018-тӥ арын диспансеризациез 240 сюрслэсь ятыр адями ортчиз. Эскеронъёс дыръя выльысь 29 сюрс висён шараямын. Со сяна, висёнъёсты кылдытӥсь мугъёс пусъемын: шонертэм сиськон, мугорлэн мултэс секталаез, пыдын ӧжыт ветлон. Министрлэн верамезъя, бадӟым пайдалыксэс возьмато интыосы потаса ужась бригадаос. Ёросъёсын азьланьтӥсько «Онкодесант» но «Кардиодесант» акциос. Кылем ар ӵоже шаерамы 19 фельдшер-акушер пункт лэсьтэмын, одӥгез соос пӧлысь – федерал бюджет чотын. Оштолэзьлэн пумозязь Сарапул, Вотка но Ува ёросъёсын эшшо 3 ФАП усьтӥськыны кулэ на.
2018-тӥ арын шаерысьтымы эмъяськонниосы федерал бюджет чотын 16 автомобиль вуиз. Миым озьы ик интыысь интые нуллыны луоно маммограф но 2 огъет басьтэмын. Выльдэмын нылпи поликлиникаослэн но эмъяськонниослэн тӥрлыксы. Кылем арын Ижкарысь Ленин ёросын нылпи поликлиника лэсьтон йылпумъямын. Южтолэзе отчы нырысетӥосыз пациентъёс вуозы. Азьвыл сямен ик лэчыт луэ удысэз ӧнерчиосын тырмытон. Кылем арын гуртэ ужаны мынэм 40 врачъёс но 12 фельдшеръёс «Земский доктор» программая юрттэт басьтӥзы. Туэ 75 врачъёслы но 40 фельдшеръёслы таӵе тыронъёс чакламын.
2019-тӥ арлы удыс азе пуктӥськись ужпумъёс пӧлысь Игорь Титов валтӥсь шуыса пусйиз тазалыкез утёнъя йӧскалык проектэз быдэсъянэз. Азьланьтэмын луоз нылпи эмъяськонниослэсь но поликлиникаослэсь, озьы ик пыктос висёнъёсъя элькун диспансерлэсь но сэр висёнъёсъя 5 ёзэтъёслэсь тӥрлыксэс выльдон. Быдэсъяськыны кутскоз «Электронное здравоохранение» проект. Со калыклы эмъюрттэт сётонэз капчиятыны но ӝогомытыны луонлык сётоз.
Депутатъёс министрлы асьсэлэсь юанъёссэс сётъязы. Оскемзэс веразы, тазалыклэн арез удыс понна пайдатэм уз луы шуыса. Выльдӥськон но азинтӥськон ласянь бадӟымесь ужрадъёс чакламын. Соос одно ик быдэстэмын луыны кулэ, сӥзизы люкаськемъёс.