Шаерамы транспорт налогез ӝутӥзы
27.11.2018
Транспорт налогез ӝутон сярысь йылпумъян кутӥзы туннэ Кун Кенешысь депутатъёс. Выль дунъёс улонэ пыӵалозы ни Выль арысен. Кызьы ивортӥз элькун тӧро Александр Бречалов, воштӥськонъёслы луыса, 2020-тӥ арын сюрес фондэ 270 миллион манет вуоз. Озьы ке но, азьвыл сямен ик, транспорт налоглэн Приволжск федерал округын шоро-куспо быдӟалаез сярысь, асьме дорын ӧжытгес луоз. Удмуртиын транспорт понна вытъёс 12 ар ӵоже ӧз вошъяське ни вал. Туннэ кутэм воштӥськонъёсъя льготаоссы вань пенсионеръёслэн, ожмаськонъёсы пыриськем ветеранъёслэн но трос нылпи будэтӥсь анайёслэн.