Дэри ёросын Д. Зеленин нимо Калык творчествоя IX калыккуспо «Окно в небо» фестиваль-конкурс ортчиз. Ужрадэз усьтӥзы Россиысь Кун Думалэн депутатэз Алексей Загребин но Калыкез кышкытлыклэсь утёнъя, регламентъя но Кун Кенешлэсь ужзэ радъянъя ялан ужась ӧриен кивалтӥсь
Елена Дербилова. Фестивале пыриськисьёслы но лыктэм куноослы Елена Дербилова вазиськиз удмурт кылын. Солэн верамезъя, Дэри ёрос укмысэтӥ ползэ ини ортчытэ таӵе ужрадэз но люка Удмуртиын улӥсьёс сяна, быдэс
Россиысь но матысь кунгожсьӧрысь адямиосты но. Депутат тау кылъёссэ вераз фестивалез радъясьёслы но сӥзиз выль вормонъёс но азинсконъёс. Туннэ ик сцена вылын калыкез шулдыртӥзы Брангуртысь песянайёс но "Айкай" коллектив.
