Алексей Прасолов пумиськылӥз Кузебай Герд нимо гимназиысь дышетскисьёсын

Анай кыллэн нуналаз Кун Кенешлэн Тӧроез Алексей Прасолов пумиськылӥз Кузебай Герд нимо гимназиысь дышетскисьёсын. Пумиськонэ озьы ик пыриськизы гимназилэн выль кивалтӥсез Татьяна Волкова, но Улосвыл парламентысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова.
Алексей Прасоловез Анай кыллэн калыккуспо нуналэныз ӟечкылазы нырысетӥ классын дышетскисьёс Эвика Кузьмина но Арсений Волков. Пиналъёс лыдӟизы Флор Васильевлэсь «Анай кыл» кылбурзэ удмурт но ӟуч кылъёсын, кузьмазы кивалтӥсьлы «Мон удмурт кылын вераськисько» гадьпус. «Пиналъёс, тӥ шудоесь, малы ке шуоно тӥляд 2 анай кылды — ӟуч но удмурт», — шуиз Алексей Прасолов.