Удмуртилэн Тӧроез Александр Бречалов «Удмурт Элькунын ужъюгдур сярысь» докладэн тодматоз Кун Кенешлэн азьвыл чакламтэ сессияз 25-тӥ толсуре
19.12.2017Удмуртилэн Тӧроез Александр Бречалов «Удмурт Элькунын ужъюгдур сярысь» арлы быдэ докладэн тодматоз Кун Кенешлэн азьвыл чакламтэ сессияз 25-тӥ толсуре. Азьвыл чакламтэ сессиез ортчытон сярысь постановление кутэмын туннэ, Алексей Прасолов кивалтэм улсын Кун Кенешлэн Президиумезлэн заседанияз. Сессия ортчоз 25-тӥ толсуре 10.00 часын Ижкарын. Отын элькунлэн кивалтӥсез «Удмурт Элькунын ужъюгдур сярысь» арлы быдэ докладэныз тодматоз. Туннэ ик Президиумлэн ёзчиосыз юнматӥзы «правительственной часъёслэсь» ортчоно планзэс.