«Сегодня модно быть здоровым!» акция азьланьтӥське

Туннэ тазалыко улонъя форум ортчиз Ижкарысь 76-тӥ номеро школалэн лагеряз ветлӥсь пиналъёслы. Акция «Сегодня модно быть здоровым!» Удмуртилэн шоркараз 5-тӥ ползэ ини ортчытӥське. Солэн валтӥсь ужпумез – тазалыко улонэз дышетскисьёс пӧлын волмытон.
Кызьы шуиз Кун Кенешлэн Тӧроезлэн нырысетӥ воштӥсез, тазалыкез утёнъя, демографияя но семья политикая ялан ужась ӧрилэн кивалтӥсез Светлана Кривилева, форумъёс школаысь нылпиос понна ортчытыны дэмлаз Россиысь тазалыкез утёнъя министерство. Таӵе ужрадъёс юртто эскерыны нылпилэсь тазалыкзэ, ас дыраз сое утьыны.
Туннэ акция квест-шудон кадь ортчиз, кытын ужазы портэм станциос. Котькуд станциын эмъясьёс веразы нылпиослы, кызьы тазалыкез пичи арескысен утёно, кыӵе тазалыко сиён-юонъёс быръёно.