Владимир Невоструев Росси Азьмуртлэн вазиськонэз сярысь малпанъёссэ вераз

Удмуртиысь Кун Кенешлэн тӧроез Владимир Невоструев Россиысь азьмуртлэн Федерал Собранилы вазиськонэз сярысь малпанъёссэ вераз.
Элькун парламентлэн тӧроез верамъя, Владимир Путинлэсь верам кылъёссэ быдэстонэз чаклан ялан луоз.
«Шумпотоно, Россия кризисысь потэ, промышленной вузъёсты поттонлэн быдӟалаез будэ шуыса, озьы ик шумпотоно гурт возёс удыс нош ик умой паласен пусъемын шуыса», — вераз Владимир Невоструев.
Со пусйиз, та вормонъёс бордын дугдыны уг яра, агропром огъетлэсь выль ӧръёссэ азинтоно. Мерлык удысэз басьтоно ке, шуг-секытъёс вань ай, но соос пумен сэрттӥсько-пертчисько. Вылӥ технологиосъя эмъюрттэт азинске, матысь дыре эмъясьёсты ас интыосазы выль арбериосын ужаны дышетозы. Ваньмыз со Россиысь тазалыкез утён удыслэсь огъя ӟечлыксэ будэтыны луонлык сётоз.
«Азьмурт калыклы мерлыко юрттэт сётон сярысь но вераз. Валамон, ваньмыз со эсэплыко-эрикрадъем ужкагазъёсты, катрадлыке воштонъёсты дасян улсын ватсаса эскеремын луоз на. Сыӵе уж лэсьтоно луоз. Умой соиз, туннэ нуналлы Россилэн азьмуртэзлэсь вазиськонзэ быдэстон чакласа возиське шуыса. Со ялан луоз», — йылпумъяз элькун парламентлэн тӧроез.