Кун Кенешлэн Президиумезлэн заседаниез ортчиз

17-тӥ шуркынмонэ 2016-тӥ арын Владимир Невоструев кивалтэм улсын Кун Кенешлэн Президиумезлэн заседаниез ортчиз. Одӥгез юан, кудзэ эскеризы депутатъёс, сӥземын вал Удмуртиын улӥсьёслы вылӥ технологиосъя эмъюрттэт сётонлы. Кызьы ивортӥз тазалыкез утёнъя министрлэн воштӥсез Татьяна Дёмина, вылӥ технологиосъя эмъюрттэт пӧртэм удысъёсъя сётӥське, улосвылын валтӥсьёсыз луизы сердечно-сосудистой хирургия но эндопротезирование. Элькунын улӥсьёс сыӵе эмъюрттэтъёсты басьтыны быгатозы 8 кун но 2 частной эмъяськонниосын, отын вань туала куронъёслы тупась тӥрлыксы но вылӥ быгатонлыкъёсын ужасьёссы. Но министрлэн воштӥсез верамъя, котькуд ар кондон юрттэтлэн быдӟалаез, кудзэ висъяло та удыслы, кулэсме. Кылсярысь, Удмуртилэн 2017-тӥ арлы коньдэтэзлэн ӵектосаз 11 миллион чакламын. Озьыен, дас пӧлысь одӥгез гинэ адями кулэ удысъя вылӥ технологиосъя юрттэт басьтыны быгатоз.
«Мон малпасько, эмъюрттэтлэн та удысэзлы бадӟым саклык висъяно. Со азинскон, со ӵуказе нунал, коньдэтэз кутыку ми со удыслы дурбасьтомы», — кенешонлы йылпумъянъёс лэсьтыса, вераз элькун парламентлэн Тӧроез Владимир Невоструев.
Депутатъёс но Удмуртиын улӥсьёслы вылӥ технологиосъя эмъюрттэт сётыны коньдонлэсь быдӟалазэ будэтыны ӵектӥзы.