Калыкъёслэн огазеяськон нуналзылы сӥзем сӥё-дано митинг ортчиз Ижкарысь Шор площадьын
05.11.2016
4-тӥ шуркынмонэ Ижкарысь Шор площадьын Калыкъёслэн огазеяськон нуналзылы сӥзем сӥё-дано митинг ортчиз. Ужрадэ пыриськизы Удмуртилэн Тӧроез Александр Соловьёв но Кун Кенешлэн кивалтӥсез Владимир Невоструев. Элькунлэн Тӧроез праздниклэсь бадӟым интызэ пусйиз но пӧртэм калыкъёслэн огазеяськемзы Россиез «кужмо державаен» каре шуыса вераз.
Озьы ик Шор площадьын киросэн вамыштон йылпумъяськиз. Инмар анайлэн Кузон мудорезлы, кудӥныз 1612-тӥ арын ополчение Москваез мозмытӥз, сӥзем литургия бере православной калык Свято-Михайловской собор дорысен площадьысь сцена дорозь мынӥз.
Сӥё-дано люкетэз бере люкаськем калыкез шулдыртӥзы Удмуртиысь творчествоя коллективъёс: «Шудбур», «Вить Сергейёс», «Дыдыкай», «Еленка» но кырӟась Екатерина Пермякова.