Кун Кенешын кунлыкъя урок ортчиз
01.11.2016
31-тӥ коньывуонэ 2015-тӥ арын Кун Кенешын Ижысь медициная кун академиысь дышетскисьёс понна парламентаризмъя урок ортчиз. Ужрадэз нуиз Кун Кенешлэн Тӧроезлэн нырысетӥ воштӥсез, тазалыкез утёнъя, демографияя но семья ужпумъёсъя ялан ужась орилэн кивалтӥсез Светлана Кривилёва.
Кызьы пусйиз Кун Кенешлэн Тӧроез Владимир Невоструев, таӵе урокъёс шаерысьтымы ваньмысьтыз ик вузъёсысь студентъёс понна радъясько. Элькун парламентлэн кивалтӥсез верамъя, егитъёс ужаны но улыны Удмуртие мед кылёзы шуыса, шаерамы кулэ луонлыкъёс кылдытыны, кытын пинал калык ассэ шедьтыны быгатоз.
Урокез азьланьтыса дышетскисьёсын вераськиз Кун Кенешлэн депутатэз, Нырысетӥ элькун больницалэн валтӥсь врачез Надежда Михайлова.
Озьы ик Ижысь медициная кун академиысь дышетскисьёс учкизы Удмуртиысь кунлыклэн жутӥськемез сярысь фильм.