Вылӥ дышетсконниосысь 20 студентъёс Удмуртиысь Кун Кенешлэсь премиоссэ басьтӥзы

26.10.2016 Пусъён ужрад ортчиз Владимир Невоструев кивалтэм улсын элькун парламентлэн сессияз 25-тӥ коньывуонэ.
Соосты пусйизы дышетсконын, мер улонын но тодосъя эскеронъёсын азинсконъёссы понна. Вуоно ӧнерчиослы сертификатъёсты сётӥз Кун Кенешлэн Тӧроез.
Пусъемъёс пӧлын Удмурт кун университетысь 5 студентъёс, Ижысь техникая кун университетысь — 5, Ижысь гурт возёсъя кун академиысь — 4, Глазовысь кун пединститутысь — 3, Ижкарысь кун эм академиысь — 3.
Тодэ вайытом, вылӥ дышетсконниосысь усьтоосызлы студентъёсты премиез юнматӥзы но нырысьсэ сётӥзы 2014-тӥ арын. Устолыко егитъёслы юрттон вылысь сыӵе кичӧлтонэн потӥз Владимир Невоструев. Сое басьто Удмуртиын интыяськем но дышетон ужез нуыны аккредитациен кун, муниципал но частной вылӥ дышетсконниосысь студентъёс. Котькуд премилэн быдӟалаез 11 сюрс 500 манет.