«Сактон» огазеяськонлы – 70 арес
08.10.2016
Удмурт Элькунлэн Тӧроез Александр Соловьев но Кун Кенешлэн кивалтӥсез Владимир Невоструев «Сактон» огазеяськонлы 70 арес тырмонлы сизем ужрадэ пыриськизы.
Туннэ «Сактон» Россиысь азьмынӥсь предприятиос пӧлын ветлэ. Коллектив, нокыӵе шуг-секытъёс шоры учкытэк, калыклы чебер дӥсь керттэ-вуре, пыд йылаз йыг-йыг сылэ. Предприятиен 20 арлэсь кема быгатыса кивалтэ ни Зоя Степнова. Татын со 45 ар ужа ни.
Ӟечкылан кылъёсаз Владимир Невоструев пуйсиз, предприятилэн туннэ вормонъёсыз герӟаськемын юн коллективлэн тыршыса ужаменыз, кудӥныз быгатыса кивалтэ Кун Кенешлэн депутатэз Зоя Степнова. Элькун парламентлэн кивалтӥсезлэн кылъёсызъя, Зоя Степнова быгатӥз ӟеч команда люканы.