Владимир Невоструев Вормон Нуналэн ӟечкылаз
08.05.2016
Удмурт Элькунысь Кун Кенешлэн Тӧроез Владимир Невоструев шаерамы улӥсьёсты Вормон Нуналэн ӟечкылаз.
«Гажано ветернаъёс, Удмуртиын улӥсьёс!
Быдӟым Вормонэз Россиысь котькуд адями пусъе. Ож лудын ожмаськем, бусыын, заводын ужам ӵыжы-выжыосызлэсь кышкасьтэм, чидась луэмзэс сӥлы каре.
Вормонэз матэктон понна Удмуртия трос лэсьтӥз. 300 сюрслэсь трос адями фронтын вал. Ӝыныез отысь ӧз берты. Жадён, сютэм улон шоры учкытэк, нылкышноос но нылпиос нянь будэтӥзы, заводын ужазы. Удмуртие эвакуацие 50 предприятие вуиз, ваньзэ ужатыны кулэ вал. Ижысь заводъёсын 11 миллион пыӵал тӥрлык поттэмын. Калыклэн кужыменыз лэсьтэмын Ижысь Балезиное нуись чугун сюрес. Кӧня солдатъёс асьме госпитальёсын эмъяськизы!
9-тӥ май туннэ но асьмеды огазея, сюлэмъёсмес шунтэ, калыклэн юн луэмезлы оскон пыӵатэ. Песятайёсмылэсь нимъёссэс ноку ум вунэтэ, Родинамес нылпиос понна утёмы, Быдӟым ож сярысь тодэ ваёнъёсты нуныкайёсмылы кельтомы».