Инвожое Удмуртие лыктыны быгатоз Москвалэн тӧроез

Инвожое Удмуртие лыктыны быгатоз Москвалэн мэрез Сергей Собянин. 21-тӥ оштолэзе со сярысь вераз элькунысь Кун Кенешлэн бюджетъя, вытъёсъя но коньдон ужпумъёсъя ялан ужась ӧрилэн кивалтӥсез Софья Широбокова.
Солэн верамезъя, али Москваысь кар думалэн Удмуртиын ужанэзлы радлык кылдытӥське, чакланъёсъя куноос вуозы 10–12 инвожое. Со дыре ик Россилэн шоркарезлэн кивалтэтысьтыз делегация лыктоз.
«Али чакламын Собянин лыктоз шуыса, со трос пайдаё пуктэтъёс кутыны, валче ужанэз азьланьтыны луонлык сётоз», — вераз Софья Широбокова.
Москваысь делегацилы Воткаын, Сарапулын но Ижкарын экскурсиос ортчытозы.
«Матысен адӟозы асьмелэсь пусйымон интыосмес, тодматскозы элькунэн, кин ке, оло, Ижкарлэсь нуналзэ пусъёнэ кылёз»», — вераз депутат.
Россилэн шоркарысьтыз делегаци вуоз Удмуртиын Москвалэсь нуналъёссэ ортчытон улсын.