Сюмси ёросъя одӥг мандатъем 41 номеро быръён округъя Удмуртиысь Кун Кенешлэн депутатэз луиз Александр Мурашов
28.03.2016
Тодмо луизы элькун парламентэ 27-тӥ южтолэзе ортчытэм ватсаса быръёнъёслы йылпумъянъёс. Сюмси ёросъя одӥг мандатъем 41 номеро быръён округъя Удмуртиысь Кун Кенешлэн депутатэз луиз Александр Мурашов.
Быръёнъёсъя участокъёсысь ГАС «Выборы» сӧзнэтэ вуэм ивортонъёсъя, «Единая Россия» партилэн ёзчиез Александр Мурашов 76,24 процент куара люкаса вормиз.
Куара сётонэ 43,84 процентэз бырйисьёс пыриськизы. «Справедливая Россия» партилэн ёзчиез Владимир Овсянников 9,33 процентсэ куараосты люказ. Мукетъёсыз кандидатъёс солэсь но ӧжыт куара люказы. Тодады вайытом, ватсаса быръёнъёсын Удмуртиысь Кун Кенешлэн депутатэзлэн мандатэз понна озьы ик вожвылъяськизы Сергей Воронин (ЛДПР), Юрий Мишкин («Коммунисты России») но Роман Чуркин (КПРФ).
Александр Степанович Мурашов вордскиз 30-тӥ пӧсьтолэзе 1956-тӥ арын Удмурт АССР-ысь Вавож ёросысь Тыловыл-Пельга гуртын. Дышетскиз Ижысь механикая институтын. 2014-тӥ арысен та дырозь Удмуртилэн тӧроезлэн Советникез.