Кун Кенеш тазалыксэ кыдатэ

29.02.2016 Кун Кенешын ужасьёс но депутатъёс дэмен султӥзы куас вылэ. Галина Кулакова нимо спорткомплексын кутскон сётэмын Кун Кенешын ужасьёслэн 3-тӥ спартакиадазылы. Депутатъёслэн ӵошатсконзы ар ӵоже кыстӥське, отын спортысь 7 амалъя (куасэн бызьылон, дарт, суй кужымез эскерон, пичи футбол, бильярд, ыбылӥськон, ӝӧк выл теннис) кужымзэс эскерозы. Таяз учыре куасэн бызьылӥзы. Кык иськем сюрес вылын пример возьматӥз Кун Кенешлэн Тӧроез Владимир Невоструев но. Отӥяз вал эстафета. Вормон понна нюръяськиз 6 команда.
Та нуналэ ик йылпумъян лэсьтӥзы кылем арын ортчем спартакиадалы. Вормисе потӥзы Кун Кенешлэн аппаратэзлэн, Контрольной комитетлэн но «Единая Россия» партилэн Удмуртиысь ёзэзлэн командаоссы.