Владимир Невоструев: Элькун Кивалтэт – законъёсты дасянъя валтӥсь юрттӥсь
25.12.2015
Кун Кенешлэн Тӧроез Владимир Невоструев Элькун Кивалтэтлы тау карон кылъёссэ вераз законопроектъёсты дасяны юрртӥськемзы понна. Министръёслэн кабинетэнызы пумиськон ортчиз 25-тӥ толсуре 2015-тӥ арын Кун Кенешын.
2015-тӥ арын Элькун парламент 20 арзэ пусйиз. Со понна «Кун Кенешлы 20 ар» медаль поттэмын. Туннэ таӵе медалез Владимир Невоструев Элькун Кивалтэтлэн Тӧроезлы Виктор Савельевлы но министръёслы сётӥз.
«Асьмеос ужаськом законодательствоез умоятон пумысен. Таяз арын гинэ 104 закон кутэмын, куамынэз соос пӧлысь – инъет луись, 214 постановлениос юнматэмын. Ваньзы соос юрттӥзы экономикалэсь но мерлыко удыслэсь ужзэ рос-прос радъяны», - вераз элькун парламентлэн кивалтӥсез.