Ижкарын кык выль нылпи сад усьтӥзы

25-тӥ толсуре 2015-тӥ арын Кун Кенешлэн Тӧроез Владимир Невоструев Удмурт Элькунлэн Тӧроеныз Александр Соловьевен ӵош кык выль нылпи садъёсты усьтон ужрадъёсы пыриськизы. Усьтӥськизы Ижкарысь Октябрь но Первомай ёросъёсысь 76 но 92 номеръя нылпи садъёсы ватсам юртъёс. Выль арозь таӵе нылпи садъёс усьтӥськозы на Вавож ёросысь Какмож гуртын, Эгра ёросысь Факел черкогуртын, Ува ёросысь Поршур-Тукля гуртын, Ярын но Сарапулын.
«Таяз арлэн берпуметӥ арняяз ми элькунамы усьтом сизьым выль нылпи садъёс. Ваньмыз та пӧрмиз Россиысь бюджет юррттэмен. Садъёсты лэсьтон понна федеральной бюджетысь 445 миллион манет сётэмын, асьмелэн софинансированимы – 191 миллион манет», - вераз Александр Соловьёв.
Удмуртилэн шоркараз куатьсюлы тросгес нылпиос вордӥськизы, 2014-тӥ арен ӵошатыса. «Та ваньмыз возьматэ, калык асьмелы оске, азьланезлы оске но нылпиосты вордыны уг кышка шуыса», - пусйиз элькун Тӧро.