Владимир Невоструев Выль арен но Ымусьтонэн ӟечкылаз
31.12.2015
Удмурт Элькунысь Кун Кенешлэн Тӧроез Владимир Невоструев шаерамы улӥсьёсты Выль арен но Ымусьтонэн ӟечкылаз:
«Гажано эшъёс! Удмуртиын улӥсьёс!
Асьмеос ортчемезлы йылпумъян лэсьтӥськом, ӵуказе нунал сярысь малпаськиськом, кылем арлэсь ваньзэ умойзэ выляз выжытыны тыршиськом.
Удмуртия но Россия ортчись арын яркыт улӥзы. Шуг-секытъёс но, вормонъёс но вал. Удмуртия быгатӥз аслэсьтыз луонлыкъёссэ возьматыны Россилэн парламентаз. Солэн ӵектонъёсызлы дурбасьтӥзы Федерация Кенеш но, Кун Дума но.
Витетӥзэ ӧтчам Кун Кенеш законъёсты умоятон бордын трос ужаз. Ужбергатонлы дурбасьтон, инвестициосты кыскон, калыклы юрттон вылысь выль законъёс кутэмын. Экономикаын югдур капчи ӧвӧл ке но, вань чакламзэ быдэстыны элькун бюджетын коньдон чакламын. Озьыен, Удмуртия юн сылэ азинском сюрес вылын. Оскисько, ваньмы ӵош вань шуг-секытъёсты вормомы.
2016-тӥ ар мед сётоз трос шундыё нуналъёссэ. Сӥзисько юн тазалык, шудбур, валан, тупан, малпанъёсты мед быдэсмозы!»