Следствиосъя управление 2015-тӥ арлы йылпумъянъёс лэсьтӥз
16.01.2016
15-тӥ толшоре 2016-тӥ арын Росси Федерациысь Следствиосъя комитетлэн Удмурт Элькунъя управлениез кылем арлы йылпумъянъёс лэсьтонъя кенешон ортчытӥз. Отчы пыриськиз Кун Кенешлэн тӧроез Владимир Невоструев но.
2015-тӥ арын ужамзылы йылпумъянъёс лэсьтӥз Следствиосъя управленилэн кивалтӥсез Владимир Никешкин. Быдэстэм ужлы умой дунъет сётӥз Удмуртилэн Тӧроез Александр Соловьев. Со удысын ужасьёслы сюлмысь тыршемзы понна тау кариз но элькунмылэн азинскемез сярысь вераз.
Озьы ик тау карон кылъёс вераз Кун Кенешлэн тӧроез Владимир Невоструев:
- Котькудӥз ик йыруж лэсьтӥсь кыл кутон улэ кыскемын луыны кулэ, пусйиз со. - Следствиосъя управлениын тыршисьёслэн быгатонлыкъёссы азьланезлы оскон кылдытэ.