«Удмурт Кенеш» огазеяськонлэн Исполкомезлэн ёзчиосыз быръемын

Туннэ «Удмурт Кенеш» огазеяськонлэн Пичи кенешез люкаськылӥз. Исполкомлэсь выль ёзчиоссэ бырйизы. Ужрадэ пыриськиз Кун Кенешлэн Тӧрӧез Владимир Невоструев но.
Кызьы вераз Удмурт Кенеш» огазеяськонлэн тӧроез Татьяна Ишматова, котькуд кивалтӥсь люка ас котыраз аслэсьтыз командазэ. Исполкоме ӵектэмын пӧртэм удысъёсын — дышетон, ужбергатон, лулчеберет — тыршись адямиос. Соос пӧлын, кылсярысь, Башкортостанысь Татышлы ёросысь Улын Балтачысь удмурт гимназилэн директорез Людвиг Зидымаков, удмурт егитъёслэн «Шунды» огазеяськонзылэн тӧроез Ольга Тронина, «Сюрес» автошколалэн кивалтӥсез Виктор Кузнецов, Удмурт филармониысь «Шулдыр ӝыт» ансамбльлэн администраторез Михаил Михайлов.
Со сяна, Татьяна Витальевна дэмла кылдытыны кема аръёс ӵоже удмурт калык понна ужам муртъёслэсь кенешсэс. Отчы пыриськозы, кылсярысь, «Удмурт Кенеш» огазеяськонлэн дано адямиосыз Валерий Хохряков, Игорь Семёнов, Ольга Шилова но мукетъёсыз. Споръяськон юанъёсъя исполком вазиськоз соослы.
Исполкомез юнматон понна тросэз «кенешчиос» куаразэс сётӥзы.
«Удмурт Кенеш» огазеяськонлэн вице-президентъёсыз:
Байметов Владимир Александрович — Удмуртиысь дышетонэз азинтонъя институтлэн кивалтӥсез;
Михеева Анжелика Семёновна — Ижысь К. Герд нимо гимназилэн директорез;
Серебренников Алексей Васильевич — «Наше время Удмуртия» газетлэн валтӥсь редакторез.
«Удмурт Кенеш» огазеяськонлэн исполкомезлэн ёзчиосыз:
Байметов Владимир Александрович — Удмуртиысь дышетонэз азинтонъя институтлэн кивалтӥсез, психология наукаосъя кандидат;
Биянова Лидия Михайловна — «Удмурт Кенеш» огазеяськонлэн Дэри ёросысь ёзэныз кивалтӥсь, ёрос администрациысь калык огазеяськонъёсъя но иворъёсъя ёзлэн кивалтӥсезлэн воштӥсез;
Гафуров Ренат Рустамович — Ижысь К. Герд нимо гимназиысь географиен дышетӥсь;
Дементьев Роман Вячеславович — удмурт культурая «Дэмен» огазеяськонлэн кивалтӥсез, ужбергатӥсь;
Загребин Алексей Егорович - История, кылъя но литературая Удмурт институтлэн директорез, история наукаосъя доктор, профессор;
Зидымаков Людвиг Латыпович — Башкортостанысь Татышлы ёросысь Улын Балтачысь удмурт гимназилэн директорез;
Иванова Лидия Фёдоровна — «Удмурт Кенеш» огазеяськонлэн Балезино ёросысь ёзэныз кивалтӥсь, «Балезино ёрос» муниципал кылдытэтлэн йырызлэн, депутатъёссылэн кенешсылэн но ёрос Администрацилэн аппаратысьтыз управлениен кивалтӥсь;
Иванова Надежда Петровна — Удмурт Элькунысь усточиослэн школазылэн директорез;
Ишматова Татьяна Витальевна — «Удмурт Кенеш» огазеяськонлэн Тӧроез;
Касаткин Сергей Анатольевичез — «Мынам Удмуртие» телерадиокомпаниысь валтӥсь редакторлэн воштӥсез, анай кылъёсъя передачаос понна кылкутӥсь;
Кондратьева Наталья Владимировна — Удмурт кылосбуръя, финно-угроведениея но журналистикая институтлэн директорез, филология наукаосъя доктор, профессор;
Корепанов Геннадий Семенович — Удмуртиысь культура удысысь дано ужась, ужбергатӥсь, крезьгурчи;
Крылов Михаил Александрович — Алнаш ёросысь «Молодая гвардия» хозяйствоен кивалтӥсь;
Кузнецов Виктор Алексеевич — Ижысь «Сюрес» автошколалэн директор;
Кузнецов Юрий Васильевич -«Удмуртия» издательстволэн директорез;
Михайлов Михаил Михайлович — Удмурт кун филармониысь «Шулдыр ӝыт» ансамбльлэн администраторез;
Михеева Анжелика Семёновна — К. Герд нимо кун гимназилэн директорез;
Москвин Василий Ермолаевич — «Удмурт Кенеш» огазеяськонлэн Пичи Пурга ёросысь ёзэныз кивалтӥсь, ужбергатӥсь;
Перевозчикова Елена Леонидовна — «Удмурт Кенеш» огазеяськонлэн Шаркан ёросысь ёзэныз кивалтӥсь;
Поздеев Павел Геннадьевич — Удмурт Элькунын ортчылӥсь ужрадъёслэн режиссёрзы, артменеджер;
Рябинина Зинаида Кирилловна — «Удмурт дунне» газетлэн валтӥсь редакторез;
Серебренников Алексей Васильевич — «Наше время Удмуртия» газетлэн валтӥсь редакторез;
Скобкарёв Александр Николаевич — Россиысь Президентэз бордын кылдытэм академилэн Кун службая управлениезлэн Ижысь ёзысьтыз кафедраеныз кивалтӥсь, экономикая наукаосъя кандидат;
Степанова Надежда Андреевна — «Удмурт нылкышно кенеш» огазеяськонлэн кивалтӥсез;
Тронина Ольга Алексеевна — Удмурт егитъёслэсь «Шунды» огазеяськонэнызы кивалтӥсь;
Ураськин Андрей Иванович — Удмурт театрлэн директорез, Кун Кенешысь депутат;
Фёдорова Татьяна Петровна — Ижысь Эшъяськон юртлэн директорезлэн воштӥсез;
Чибышева Флюра Ахметхановна — Камсьӧр удмуртъёслэн огазеяськонэнызы кивалтӥсь;
Шкляева Татьяна Геннадьевна — Дэри ёросысь «Лудорвай» музей-заповедниклэн директорез;
Шубин Лев Леонидович — Ижысь медакадемиысь медицина наукаосъя кандидат, доцент.