Пичи Пурга ёросын гурт возёсысь ужпумъёсты сэрттӥзы-пертчизы
30.06.2015
30-тӥ инвожое 2015-тӥ арын Пичи Пурга ёросын «День поля» нимо элькун ужрад ортчиз. Со улсын гурт возёсысь ужпумъёсты эскеронъя бадӟым кенешон радъяськиз. Со ёрос культурая юртын ортчиз. Отчы пыриськизы Удмуртилэн Тӧороез Александр Соловьев, Кун Кенешлэн кивалтӥсез Владимир Невоструев, Элькун Кивалтэтлэн ёзчиосыз, ёросъёслэн тӧрооссы, эштосъёслэн кивалтӥсьёссы.
Кенешон йылпумъяськем бере «Первый май» СПК-лэн бусыаз гурт техникаен адӟытон усьтӥськиз. Отын возьматэмын вал пӧртэм пумо машинаос но агрегатъёс.