Удмуртпотребсоюз - гуртоослы ӟеч юрттӥсь
03.07.2015
4-тӥ инвожое Россиын кооперацилэсь калыкуспо нуналзэ пусъё. Соин валче Кун Кенешлэн Тӧроез Владимир Невоструев Удмуртпотребсоюз огазеяськонын ужасьёсты ӧнер нуналэнызы ӟечкылаз.
«Укмыс сюрслэсь ятыр адями ужа Удмурт Элькунысь потребкоопераци удысын. Удмуртпотребсоюз араз пӧртэм бюджетъёсы но кондэтэ пырисьтэм фондъёсы одӥг миллиард манет пала тыриськонъёс келя. Со элькунмылэсь экономиказэ азинтонын бадӟым вамыш.
Тӥ гуртоослэсь шуг-секытъёссэс сэрттон-пертчонын шӧдскымон юрттэт сётӥськоды. Крестьян хозяйствоосын, эштосъёсын, огкылын вераса, музъем вылын ужасьёсын юн кусып возиськоды.
Сӥзисько тӥледлы вань ӟеч малпанъёстэс быдэстыны, юн тазалык но шудбур », - пусъемын ӟечкыланын. Со келямын Удмуртпотребсоюзлэн кивалтӥсезлы, Кун Кенешысь депутатлы Рауф Каримовлы.