Удмуртиысь гуртоос ПФО-лэн «Бусылэн нуналаз» пыриськo
07.07.2015
Туннэ, 7-тӥ пӧсьтолэзе, Удмурт Элькунысь делегация Приволжск федерал округысь "Бусылэн нуналаз" пыриське. Та ар понна ужрад ортче Нижний Новгородын . Туэ агропром форум 6-тӥзэ люкаськиз. Та дырозь со радъяськылӥз ни Пенза улосын, Марий Элын, Пермь шаерын но Удмуртиын.
Асьме шаерысь Нижний Новгородэ 30 мурт мынӥз. Соос пӧлын элькунмылэн кивалтӥсез Александр Соловьев, Кун Кенешлэн Тӧроез Владимир Невоструев.
Та ужрадын Приволжск федерал округе пырись улосъёсысь агропром огъетын тыршисьёс ог-огзэс тодмато асьсэ ужан амалъёсынызы. Со сяна учко – дунъяло гурт удыслы поттэм туала техникаез: тракторъёсты, комбайнъёсты, гырон-кизён агрегатъёсты. Ваньзэ ӧвӧлзэ 200-лэсь трос машина но оборудование адӟытонэ поттэмын.