Кун Кенешлэн Тӧроез Удмуртилэсь дано кунмуртсэ Сергей Маевез ӟечкылаз
13.07.2015
Удмурт Элькунысь Кун Кенешлэн Тӧроез Владимир Невоструев Удмуртилэсь дано кунмуртсэ, Сергей Маевез вордӥськем нуналэныз ӟечкылаз. Туннэ, 13-тӥ пӧсьтолэзе, быдэс кунамы тодмо улосчимылы 71 арес тырмиз. Со вордӥськемын Грак ёросын, али улэ Москваын.
Сергей Александрович Маев тодмо военачальник. Со 2009-2014-тӥ аръёсы Росси ДОСААФ-ен кивалтӥз. Нош солэсь азьвыл Росси Федерациысь обороная министерстволэн автобронетанковой управлениезлэн кивалтӥсез вал.
Вордӥськем нуналыныз ӟечкыласа Кун Кенешлэн Тӧроез Владимир Невоструев Сергей Александровичлы юн тазалык, шуд но ӟеч мылкыд сӥзиз. Шуныт кылъёс ыстэмын телеграммаен.