Ижкарын ВДВ-лэсь нуналзэ пусйизы
03.08.2015
Кыкетӥ гудырикошконэ Ижкарын омыр десант ожгарчиослэн нуналзылы сӥзем ужрадъёс ортчизы. Таяз арын праздник котырес лыдпусо - кунамы таӵе войскоос кылдэм дырысен 85 ар тырмиз.
Шулдыръяськонъёс кутскизы Ижкарысь ялан ӝуась тыл дорын. Отын митинг ортчиз. Быремъёсты буре вайыса сяська тугого понӥзы. Десантникъёсты ӟечкылаз Удмурт Элькунысь Кун Кенешлэн Тӧроезлэн нырысетӥ воштӥсез Светлана Кривилева.
"Тӥ котьку но висъяськиды кышкасьтэмесь, кунмес утьыны дась луэ лэменыды. Туннэ Россиын котькудӥз пичи пияш тельняшка но лыз берет дӥсяса данъяськыса вамышъяны дась ульчаетӥ.
Кунмы тодаз возе Быдӟым ожын, Чечняын, Афганистанын, Нагорный Карабахын, Таджикистанын, Югославиын бырем пиоссэ", - шуиз Светлана Кривилева.
Депутат ВДВ-ын службазэс ортчемъёслы элькун Тӧролэсь Александр Соловьевлэсь но Кун Кенешлэн Тӧроезлэсь Владимир Невоструевлэсь тау карон гожтэтъёссэс сётӥз.