Кун Кенешысь депутатъёс Россиысь Нюлэс кодексэ воштонъёс пыртон сярысь кичӧлтонэн потӥзы
26.04.2023
25-тӥ апреле Кун Кенешлэн 6-тӥ сессияз эскеремын 22 ужпум. Одӥгез герӟаськемын уссурийской полиграф нымы-кибыен.
2019-тӥ арын Удмуртиысь но Татарстанысь нюлэсъёсын нырысьсэ шараямын уссурийской полиграф. Кылем арын со адӟиськиз ни Пермь улосын но. Та пычей быдтэ ньылпуэз, кышкытлык вань, кызъёс вылэ но выжоз шуыса. Россельхознадзор юнматӥз документ: пычеен басьтэм писпуосты корано. Озьы ик корано соос котырысь ог 100 метрын будӥсь куасьмыны кутскем писпуосты но.
«Но со дыре ик Нюлэс кодексэн та алэмын, — пусйиз Кун Кенешысь инкуазез утён понна кыл кутӥсь ялан ужась комиссилэн кивалтӥсез Георгий Крылов. — Соя кораны луэ уссурийской полиграфен сэрен быдэсак куасьмем писпуосты гинэ. Нош пычей басьтэмын ни ке но, писпу вож сылэ на ке, сое исаны уг яра. Лыдъяське, ньылпуос асьсэос нюръясько сиисен. Озьы пычей пумен аля но аля, со выжыны быгатоз мукет улосъёсысь нюлэсъёсы но».
Депутатъёс лыдъяло: нюлэсъёсты тазатонэн вырыны кулэ арендаторъёс. Та сярысь пусъемын луыны кулэ огкылын. Но али азьвыл гожтэм огкылъёсы та сярысь ватсанъёс пыртыны луоно суд пыр гинэ. Нош суд ортчытозь но солэн решениез улонэ пыӵаны кутскытозь, 3 но солэсь тросгес толэзь ортчыны быгатэ. Та дыр куспын пычей уката алялоз. Вылаз ик, куасьмем пиосын сэрен тылпу потонъёс но луыны быгато. Соин ик кулэ выль закон: нюлэсъёсты арендае басьтон сярысь огкылэ ватсанъёсты пыртыны мед луоз, судэ вазиськылытэк гинэ.
Ваньзэ тае лыдэ басьтыса, депутатъёс Россиысь Нюлэс кодексэ воштонъёс пыртон сярысь кичӧлтонэн потӥзы.
2019-тӥ арын Удмуртиысь но Татарстанысь нюлэсъёсын нырысьсэ шараямын уссурийской полиграф. Кылем арын со адӟиськиз ни Пермь улосын но. Та пычей быдтэ ньылпуэз, кышкытлык вань, кызъёс вылэ но выжоз шуыса. Россельхознадзор юнматӥз документ: пычеен басьтэм писпуосты корано. Озьы ик корано соос котырысь ог 100 метрын будӥсь куасьмыны кутскем писпуосты но.
«Но со дыре ик Нюлэс кодексэн та алэмын, — пусйиз Кун Кенешысь инкуазез утён понна кыл кутӥсь ялан ужась комиссилэн кивалтӥсез Георгий Крылов. — Соя кораны луэ уссурийской полиграфен сэрен быдэсак куасьмем писпуосты гинэ. Нош пычей басьтэмын ни ке но, писпу вож сылэ на ке, сое исаны уг яра. Лыдъяське, ньылпуос асьсэос нюръясько сиисен. Озьы пычей пумен аля но аля, со выжыны быгатоз мукет улосъёсысь нюлэсъёсы но».
Депутатъёс лыдъяло: нюлэсъёсты тазатонэн вырыны кулэ арендаторъёс. Та сярысь пусъемын луыны кулэ огкылын. Но али азьвыл гожтэм огкылъёсы та сярысь ватсанъёс пыртыны луоно суд пыр гинэ. Нош суд ортчытозь но солэн решениез улонэ пыӵаны кутскытозь, 3 но солэсь тросгес толэзь ортчыны быгатэ. Та дыр куспын пычей уката алялоз. Вылаз ик, куасьмем пиосын сэрен тылпу потонъёс но луыны быгато. Соин ик кулэ выль закон: нюлэсъёсты арендае басьтон сярысь огкылэ ватсанъёсты пыртыны мед луоз, судэ вазиськылытэк гинэ.
Ваньзэ тае лыдэ басьтыса, депутатъёс Россиысь Нюлэс кодексэ воштонъёс пыртон сярысь кичӧлтонэн потӥзы.