Юкаменск ёросын Ашальчи Окилы сӥзем лыдӟонъёс ортчизы
15.04.2023
14-тӥ оштолэзе Юкаменск черкогуртын «Мон тодам вайисько... Ашальчи Оки толон но туннэ» нимын лыдӟонъёс радъяськизы. Улосвыл конференци нырысетӥ удмурт нылкышно кылбурчилэн, эмчилэн, фронтовиклэн Ашальчи Окилэн вордскемез дырысен 125 ар тырмонлы но «Удмурт нылкышно кенеш» огазеяськонлэн 30 ар тырмонэзлы сӥзьыса ортчиз.
Лыдӟонъёсы, Удмуртиысь сяна, Перм улосысь, Татарстанысь но Башкортостанысь делегатъёс вуизы. Ужрадэ тодосчиос, гожъяськисьёс, мерлыко огазеяськонъёслэн ёзчиоссы, кун но муниципал тӧрлык ёзэсъёслэн ыстэм муртъёссы, журналистъёс, дышетӥсьёс, студентъёс но дышетскисьёс пыриськизы. Лыдӟонъёсын нырысетӥ удмурт нылкышно кылбурчиез но эмчиез, солэсь удмурт калык понна лэсьтэм ужзэ данъязы.
«Со огшоры крестьян семьяысь. Будӥз, луиз дано адями, врач, кылбурчи. Асьмелэн но егитъёсмы, малпасько, турттозы асьсэзыс эшшо но золгес возьматыны», пусйиз Удмуртиысь йӧскалык политикая министр Эдуард Петров.
Конференциын Ашальчи Окилэн улон но ужан сюресэз, удмуртлыкез азинтонэ бадӟым ватсэтэз сярысь докладъёс лыдӟизы, ӵыжы-выжыез апаез сярысь тодэ ваёнъёссэ вераз. Кылбурчи Ашальчи Оки сярысь тросэз тодо. Но Акилина Векшина быдэс улонзэ эмчи луыса тыршиз, Юкаменск но Алнаш ёросъёсын, трос адямиез сукыр кылёнлэсь утиз. Солэн эм удысын бадӟым пытьыез сярысь ивортон лэьтӥз син эмъясь, Ижкарысь эм академиысь офтальмология кафедраысь ассистент, эм тодосъя кандидат Апполинария Перевозчикова. Со Акилина Векшинлэн шуг-секытъёс пыр ортчемзэ но удмуртъёс пӧлын трахома син висёнэз быдтыны быгатэмез сярысь вераз. Лыдӟонъёсын дано кылбурчи но эмчи сярысь фильм возьматӥзы, гожъяськисьлэн кылбуръёсыз но кылбуръёсызъя гожтэм кырӟанъёсъёс чузъяськизы.
Кун Кенешысь лулчеберетъя, туризмъя но йӧскалык политикая ялан ужась комиссилэн кивалтӥсез, «Удмурт Кенеш» огазеяськонлэн тӧроез Андрей Ураськин солэсь ужъёссэ бриллиантъёсын ӵошатӥз. Зэм но, Ашальчи Оки 37 гинэ кылбур гожтӥз, нош макем соос дуноесь асьме удмурт калыкмылы. «Ашальчи Оки сярысь, асьме югдытӥсьёсмы сярысь но, вераны луэ нунал но, кык но. Вераны луэ и вераны кулэ но. Соосыз асьмелы одно ик кулэ данъяны, пусйыны, соос сярысь вераськыны, мед тодозы асьмелэн пиналъёсмы, мед кырӟалозы кырӟанъёссэс, мед вералозы кылбуръёссэс», пусйиз Андрей Ураськин.
Озьы ик лыдӟонъёсын Ашальчи Оки нимо премиез сӥё-дано сётон ортчиз.
Лыдӟонъёсы, Удмуртиысь сяна, Перм улосысь, Татарстанысь но Башкортостанысь делегатъёс вуизы. Ужрадэ тодосчиос, гожъяськисьёс, мерлыко огазеяськонъёслэн ёзчиоссы, кун но муниципал тӧрлык ёзэсъёслэн ыстэм муртъёссы, журналистъёс, дышетӥсьёс, студентъёс но дышетскисьёс пыриськизы. Лыдӟонъёсын нырысетӥ удмурт нылкышно кылбурчиез но эмчиез, солэсь удмурт калык понна лэсьтэм ужзэ данъязы.
«Со огшоры крестьян семьяысь. Будӥз, луиз дано адями, врач, кылбурчи. Асьмелэн но егитъёсмы, малпасько, турттозы асьсэзыс эшшо но золгес возьматыны», пусйиз Удмуртиысь йӧскалык политикая министр Эдуард Петров.
Конференциын Ашальчи Окилэн улон но ужан сюресэз, удмуртлыкез азинтонэ бадӟым ватсэтэз сярысь докладъёс лыдӟизы, ӵыжы-выжыез апаез сярысь тодэ ваёнъёссэ вераз. Кылбурчи Ашальчи Оки сярысь тросэз тодо. Но Акилина Векшина быдэс улонзэ эмчи луыса тыршиз, Юкаменск но Алнаш ёросъёсын, трос адямиез сукыр кылёнлэсь утиз. Солэн эм удысын бадӟым пытьыез сярысь ивортон лэьтӥз син эмъясь, Ижкарысь эм академиысь офтальмология кафедраысь ассистент, эм тодосъя кандидат Апполинария Перевозчикова. Со Акилина Векшинлэн шуг-секытъёс пыр ортчемзэ но удмуртъёс пӧлын трахома син висёнэз быдтыны быгатэмез сярысь вераз. Лыдӟонъёсын дано кылбурчи но эмчи сярысь фильм возьматӥзы, гожъяськисьлэн кылбуръёсыз но кылбуръёсызъя гожтэм кырӟанъёсъёс чузъяськизы.
Кун Кенешысь лулчеберетъя, туризмъя но йӧскалык политикая ялан ужась комиссилэн кивалтӥсез, «Удмурт Кенеш» огазеяськонлэн тӧроез Андрей Ураськин солэсь ужъёссэ бриллиантъёсын ӵошатӥз. Зэм но, Ашальчи Оки 37 гинэ кылбур гожтӥз, нош макем соос дуноесь асьме удмурт калыкмылы. «Ашальчи Оки сярысь, асьме югдытӥсьёсмы сярысь но, вераны луэ нунал но, кык но. Вераны луэ и вераны кулэ но. Соосыз асьмелы одно ик кулэ данъяны, пусйыны, соос сярысь вераськыны, мед тодозы асьмелэн пиналъёсмы, мед кырӟалозы кырӟанъёссэс, мед вералозы кылбуръёссэс», пусйиз Андрей Ураськин.
Озьы ик лыдӟонъёсын Ашальчи Оки нимо премиез сӥё-дано сётон ортчиз.