Кун Кенешын ортчиз Удмурт кун университетлэн нуналыз
30.03.2023
29-тӥ мартэ Удмурт Элькунысь Кун Кенешын ортчиз Удмурт кун университетлэн нуналыз. УдГУ-ысь тодосчиос депутатъёсын ӵош эскеризы тауала вакытэ егитъёсты дышетон ужпумъёсты. Кенешон секциослы люкиськыса радъямын вал, котькудӥзлэн уженыз кивалтӥзы ялан ужась комиссиослэн тӧрооссы. Нош собере бадӟым залын огъя кенешонын йылпумъянъёс лэсьтӥзы, котькуд удысъя кадръёсты дасян ласянь ӵектонъёссэс веразы.
Та ужрадын ик Удмурт Элькунысь Кун Кенеш но Удмурт кун университет валче ужан сярысь тупанкыл гожтӥзы. Ужкагаз вылэ кизэс нюртӥзы элькун парламентлэн тӧроез Владимир Невоструев но УдГУ-лэн ректорез Галина Мерзлякова.
«Таӵе тупанкылъёс ми матысь дыре шаерысьтымы мукет вылӥ дышетсконниосын но гожтомы», - пусйиз Владимир Невоструев. Кун Кенешлэн Тӧроез вылӥ дунъяз Удмурт кун университетлэсь ужамзэ но отысь тодочиослы кат ӵектосъёсты дасянэ но элькун парламентын ортчоно ужрадъёсы мыло-кыдо пыриськемзы понна тау кариз.
Та ужрадын ик Удмурт Элькунысь Кун Кенеш но Удмурт кун университет валче ужан сярысь тупанкыл гожтӥзы. Ужкагаз вылэ кизэс нюртӥзы элькун парламентлэн тӧроез Владимир Невоструев но УдГУ-лэн ректорез Галина Мерзлякова.
«Таӵе тупанкылъёс ми матысь дыре шаерысьтымы мукет вылӥ дышетсконниосын но гожтомы», - пусйиз Владимир Невоструев. Кун Кенешлэн Тӧроез вылӥ дунъяз Удмурт кун университетлэсь ужамзэ но отысь тодочиослы кат ӵектосъёсты дасянэ но элькун парламентын ортчоно ужрадъёсы мыло-кыдо пыриськемзы понна тау кариз.