Азинтӥське ожгарчиослэн семьяоссылы юрттэт сётон

«Социальный десант — «Союзницы» проектэз радъясьёс вуылӥзы ни 7 ёросъёсысь семьяос доры. Проектлэн координаторез, Кун Кенешысь ужъя, мерлыко политикая но ветеранъёслэн ужпумъёссыя ялан ужась комиссилэн кивалтӥсез Елена Дербилова пусъемъя, проект толэзь ӵоже но уг пыӵа ай ке но, со сярысь военнослужащийёслэн семьяоссы тодо ни, сюлмаськытӥсь юанъёсынызы вазисько.
«Семьяослэн вазиськонъёссы пӧлысь уноез герӟаськемын вал нылпиосын. Вазиськылӥзы нылпи сад понна тыриськонъёслэсь мозмытыны курыса. Шумпотымон: таӵе капчиятон табере пыӵаны кутскиз. Со понна тау кариськомы Элькун Тӧролы, «Единая Россия» партилэн Удмурт ёзэзлэн секретарезлы Александр Бречаловлы. Со ачиз но семьяосын пумиськылэ, ӟеч тодэ, кыӵе куронъёссы соослэн. Туж умой, таӵе капчиятон пыӵаны кутскоз шуыса», - пусйиз Елена Дербилова.