29 инвожое Кун Кенеш бырйисьёслэсь 2022 арлы куронъёссэс юнматоз
09.06.2021
Туннэ Кун Кенешлэн Тӧроез Владимир Невоструев Президиумлэн ёзчиосыныз но депутатъёсын кенешон ортчытӥз. Вераськон мынӥз бырйисьёслэсь куронъёссэс быдэсъян ужпумъёс сярысь. Кенешонэ пыриськизы Элькунысь коньдон ужпумъёсъя миинистр Станислав Евдокимов, транспортъя но сюрес возёсъя министр Алексей Горбачёв, гурт возёсъя но сиён-поттонъя министрлэн воштӥсез Михаил Юдин, лэсьтӥськонъя, жилищно-коммунальной возёсъя но но дыкужымъя министрлэн воштӥсез Ольга Дубовцева.
Бюджетъя, вытъёсъя но коньдон ужпумъёсъя ялан ужась комиссилэн кивалтӥсез Владимир Паршин тодэ вайытӥз, бырйисьёслэн 2022 арлы куронъёсынызы бичетэз кылдытон уж 1 куартолэзе йылпумъяськиз шуыса. Отчы Кун Кенешысь 57 депутатъёслы сётэм 198 наказъёс пыризы. Куронъёслэн огъя дунзы – 80 миллион 653 сюрс манет.
Бичетэз муниципал кылдытэтъёсы келязы. 11 инвожоозь соос вераны кулэ, кыӵе луонлыкъёс вань быдэстыны созэ яке тазэ куронэз. 29 инвожое Кун Кенешлэн сессияз 2022 арлы наказъёсын бичет юнматэмын луыны кулэ.
Катъя бырйисьёс куронъёссэс огъя кенешонъёсын кылдыто. Гуртъёсын отчы ӧжытсэ 20, каръёсын – ӧжытсэ 50 мурт пыриськыны кулэ. Кенешонын юнматэм протоколэз элькун парламентэ келяло.
Коньдон ужпумъёсъя министрлэн Станислав Евдокимовлэн верамезъя, наказъёсты быдэсъяны коньдон муниципал программаос улсын, элькун коньдэтысь яке Сюресъёсъя фондысь юрттэт чотын, озьы ик инициативной бюджетирование но мукет программаосъя висъяськыны быгатэ.
Кун Кенешлэн Тӧроез Владимир Невоструев пусйиз, котькуд депутат наказъёсъя ужлы нимысьтыз саклык висъяны, соосты быдэстэм сярысь адямиос азьын отчёт лэсьтыны кулэ шуыса.
Бюджетъя, вытъёсъя но коньдон ужпумъёсъя ялан ужась комиссилэн кивалтӥсез Владимир Паршин тодэ вайытӥз, бырйисьёслэн 2022 арлы куронъёсынызы бичетэз кылдытон уж 1 куартолэзе йылпумъяськиз шуыса. Отчы Кун Кенешысь 57 депутатъёслы сётэм 198 наказъёс пыризы. Куронъёслэн огъя дунзы – 80 миллион 653 сюрс манет.
Бичетэз муниципал кылдытэтъёсы келязы. 11 инвожоозь соос вераны кулэ, кыӵе луонлыкъёс вань быдэстыны созэ яке тазэ куронэз. 29 инвожое Кун Кенешлэн сессияз 2022 арлы наказъёсын бичет юнматэмын луыны кулэ.
Катъя бырйисьёс куронъёссэс огъя кенешонъёсын кылдыто. Гуртъёсын отчы ӧжытсэ 20, каръёсын – ӧжытсэ 50 мурт пыриськыны кулэ. Кенешонын юнматэм протоколэз элькун парламентэ келяло.
Коньдон ужпумъёсъя министрлэн Станислав Евдокимовлэн верамезъя, наказъёсты быдэсъяны коньдон муниципал программаос улсын, элькун коньдэтысь яке Сюресъёсъя фондысь юрттэт чотын, озьы ик инициативной бюджетирование но мукет программаосъя висъяськыны быгатэ.
Кун Кенешлэн Тӧроез Владимир Невоструев пусйиз, котькуд депутат наказъёсъя ужлы нимысьтыз саклык висъяны, соосты быдэстэм сярысь адямиос азьын отчёт лэсьтыны кулэ шуыса.