16 оштолэзь – нырысетӥ удмурт нылкышно кылбурчилэн но гожъясьлэн Ашальчи Окилэн вордӥськем нуналыз
16.04.2021
Туннэ, 16 оштолэзе, нырысетӥ удмурт нылкышно кылбурчилэн но гожъясьлэн Ашальчи Окилэн (Акилина Григорьевна Векшиналэн) вордӥськем нуналыз. Удмурт Элькунлэн праздник но дано нуналъёсыз сярысь катэн та нунал элькунмылэн дано нуналъёсыз пӧлы пыртэмын.
Кун Кенешысь наукая, дышетонъя, культурая, туризмъя но йӧскалык политикая ялан ужась ӧрилэн кивалтӥсез Татьяна Ишматова Ашальчи Окилэсь Удмуртиысь кылбуретэз но огъя лулчеберетэз азинтонын бадӟым интызэ пусйиз.
«Солэн кылбуръёсыз трос овӧл, но котькудӥз туж дуно но дано луо. Соос кутскон сётӥзы аспӧртэм удмурт нылкышно лирикалы», - шуиз Татьяна Ишматова.
Комиссилэн кивалтӥсез Ашальчи Окиез удмурт калыклэн геройёсыз пӧлы пыртӥз. Быдӟым Атыкай ож кутскем бере, со, ачиз куриськыса, кошкиз фронтэ. Бертэм бераз ужаз эмъяськонниын, ассэ жалятэк кышкыт син висёнэн – трахомаен – нюръяськиз.
Ашальчи Окиез буре вайыса, солэн улэм но ужам интыяз – Алнашын – усьтэмын кылбурчилэн музей юртэз. Грах ёросысь вордӥськем юртэз интые нимзэ нуллӥсь сквер кылдытэмын. 1995 арын, удмурт йӧскалык культураез азинтонэ пыриськись нылкышноосты сӥлы карон понна, «Удмурт кенеш» ассоциация Ашальчи Оки нимо премия юнматӥз. Та выллем премиос кылдытъямын кӧня ке ёросъёсын но.
Татьяна Ишматова озьы ик вераз, Удмурт Элькунлэн катаз Акилина Векшиналэн вордӥськем нуналыз григориан календаръя (выль стилья) пусъемын шуыса. Юлиан календарья солэн вордӥськем нуналыз 4 оштолэзьлы тупа.
Кун Кенешысь наукая, дышетонъя, культурая, туризмъя но йӧскалык политикая ялан ужась ӧрилэн кивалтӥсез Татьяна Ишматова Ашальчи Окилэсь Удмуртиысь кылбуретэз но огъя лулчеберетэз азинтонын бадӟым интызэ пусйиз.
«Солэн кылбуръёсыз трос овӧл, но котькудӥз туж дуно но дано луо. Соос кутскон сётӥзы аспӧртэм удмурт нылкышно лирикалы», - шуиз Татьяна Ишматова.
Комиссилэн кивалтӥсез Ашальчи Окиез удмурт калыклэн геройёсыз пӧлы пыртӥз. Быдӟым Атыкай ож кутскем бере, со, ачиз куриськыса, кошкиз фронтэ. Бертэм бераз ужаз эмъяськонниын, ассэ жалятэк кышкыт син висёнэн – трахомаен – нюръяськиз.
Ашальчи Окиез буре вайыса, солэн улэм но ужам интыяз – Алнашын – усьтэмын кылбурчилэн музей юртэз. Грах ёросысь вордӥськем юртэз интые нимзэ нуллӥсь сквер кылдытэмын. 1995 арын, удмурт йӧскалык культураез азинтонэ пыриськись нылкышноосты сӥлы карон понна, «Удмурт кенеш» ассоциация Ашальчи Оки нимо премия юнматӥз. Та выллем премиос кылдытъямын кӧня ке ёросъёсын но.
Татьяна Ишматова озьы ик вераз, Удмурт Элькунлэн катаз Акилина Векшиналэн вордӥськем нуналыз григориан календаръя (выль стилья) пусъемын шуыса. Юлиан календарья солэн вордӥськем нуналыз 4 оштолэзьлы тупа.