Владимир Невоструев: «Бизнес-мост Удмуртии» ужрадлэн тодмо луэмез арысь аре будэ

Кун Кенешлэн Тӧроез Владимир Невоструев вераз «Бизнес-мост Удмуртии-2016» калыккуспо форумлэн ортчемез сярысь. Элькун парламентлэн кивалтӥсезлэн кылъёсызъя, та ужрадлэн тодмо луэмез Россиын гинэ ӧвӧл, кунгожсьӧрын но арысь аре будэ. Ваньмыз со элькунлы азьлан мыныны юрттэ.
«Туж умой, Сочиын ортчем Инвестициосъя калыккуспо форум бере туннэ Ижкарын ортче «Бизнес-мост». Озьыен, Удмуртия азьлань мынэ инвестиционной сюресъя. Элькун Тӧролэн инвестиционной посланияз пусъемын самой ӟеч предприятиос, кудъёсыз арлы быдэ шедьто луонлык асьсэлэсь производствозэс умоятыны но будэтыны. Кылсярысь, Ижкарысь автозавод, кудӥз «Лада Веста» машинаосты поттэ, ЭМЗ «Купол» арлы быдэ производствозылэсь быдӟалазэ будэтэ, «Калашников» концерн. Малпасько, «Бизнес-мост» ужрадлэн тодмо луэмез арысь аре будоз», - вераз Владимир Невоструев.