Кун Кенешын кунлыкъя урок ортчиз
09.09.2016
9-тӥ куарусёнэ 2016-тӥ арын Кун Кенешын кунлыкъя урок ортчиз. Отчы лыктӥзы Михаил Тимофеевич Калашниковлэсь нимзэ нуллӥсь Ижысь техникая кун университысь студентъёс. Пумиськонэз нуиз Элькун парламентысь мерлыко политикая ялан ужась ӧрилэн тӧроез Ольга Казанцева.
Озьы ик пиналъёс азьын вераськиз Кун Кенешлэн Тӧроез Владимир Невоструев. Со осконзэ вераз, азьланяз техникая университетысь дышетскисьёс Удмуртилэсь экономиказэ юнматон бордын ужалозы шуыса. «Тӥляд бадӟым сюресты азьланяз, малы ке шуоно университетады ужало дышетӥсьёс, кудъёсыз пиналъёсын быгато одӥг кыл шедьтыны. Мон малпасько, тӥ уд жалялэ, та дышетскон интыез бырйиды шуыса», - вераз парламентлэн кивалтӥсез.
Озьы ик, пиналъёс азьын вераськизы Кун службая но калык хозяйствоя Россиысь академилэн Ижысь филиалэзлэн директорез Алексей Шепталин но Кун Кенешысь экономикаын политикая, промышленностья но инвестициосъя ялан ужась ӧрилэн кивалтӥсез Валерий Бузилов.