Тазалыко улонъя форум ортчиз Ярын

Ярын ортчиз тазалыкез утёнъя Форум. Ужрадэ пыриськиз Кун Кенешлэн тӧроезлэн нырысетӥ воштӥсез, тазалыкез утёнъя, демографияя но семья политикая ялан ужась ӧрилэн кивалтӥсез Светлана Кривилёва.
Форум соин кивалтоно комиссилэн но «Единая Россия» фракцилэн кичӧлтэмзыя ортчиз. Отчы лыктэмъёс эмъясьёсын кенешыны быгатӥзы. Татын ужазы терапевт, кардиолог, онколог, дерматовенеролог, опорно-двигательной аппаратлэн висёнъёсызъя, тазалыко сиськонъя эмчиос. Озьы ик, котькудӥз быгатӥз мерттаны аслэсьтыз вирзӥбетсэ, ӝуждалазэ но секталазэ. Со сяна, ужрадын спортъя но творчествоя площадкаос ужазы.
Светлана Кривилева Форуме лыктэмъёслы вераз Удмуртиысь законъёс сярысь, кудъёсыз мерлыко удысэз азинтонэн герӟамын.
Таӵе Форумъёс Удмуртиын азьланьтӥськозы на.