Егитъёслы юрттэт будоз

01.09.2016 Кун Кенешлэн Тӧроез Владимир Невоструев 1-тӥ куарусёнэ вуылӥз Ижысь гурт хозяйствоя кун академие.
Парламентлэн кивалтӥсез оскытӥз: гуртысь егит специалистъёслы азьланьын юрттэт бадӟымгес луоз.
«Гурт хозяйствоосы лыктӥсь егитъёслы али но коньдонэн пичияк юрттэт вань», - вераз Владимир Невоструев. «Но со тырмыт ӧвол, солэсь быдӟалазэ будэтоно. Соин ик, элькун бюджетэз 2017-тӥ арлы юнматыку, ми, Кун Кенешысь депутатъёс, таӵе ӵектонэн потом», - пусйиз парламентлэн кивалтӥсез.
Студентъёсты Тодон-валан нуналэн ӟечкыласа, Владимир Невоструев кузьмаз тупъёс. Дышетсконын но, спортын но азинсконъёс сӥзиз.