2017-тӥ арын Яр каргуртын поликлиникалэн выль юртэз кылдоз

29-тӥ гудырикошконэ 2016-тӥ арын Кун Кенешлэн кивалтӥсез Владимир Невоструев Удмуртилэн Тӧроеныз Александр Соловьёвен ӵош Яр ёросэ вуылӥзы. Соос Яр каргуртысь поликлиникае ветлӥзы, отын 2009-тӥ арысен одӥгез корпуслэн реконструкциез мынэ.
«Чаклась ёзэсъёслэн куронзы вань, соосъя диагностикая интыез паськытатыны кулэ, озьы ик ужан тӥрлыкъёсты тазатонэз, соин ик 2009-тӥ арын ай кык этажъем юртэз поликлиника улэ тупатон сярысь пуктэт кутэмын вал», — вераз элькунысь тазалыкез утёнъя министр Алексей Чуршин.
Соку 30 миллион манет тыр ужъёс быдэстэмын вал, но ӵектосэз дугытӥзы. Али йылпумъяны 40 миллион манет котыр кулэ. Выльдонэз быдэстэм бере 2 сюрс 600 квадрат метр быдӟа выль корпусын интыяськозы амбулаторной приёмъя кабинетъёс, йӧназъян но физиолечение ёзэт но мукетыз.
Элькунлэн кивалтӥсез улосвылысь лэсьтӥськонъя министерствоез Яр каргуртысь поликлиникаез выльдон понна коньдон чакланы куриз.
Владимир Невоструев но Александр Соловьёв озьы ик вуылӥзы Дизьмино черкогуртэ. Со сяна, Яр каргуртысь лулчеберетъя но шутэтсконъя «Юбилейный» центре пыразы.