Тазалыко улонъя форум ортчиз Сарапулын

2016-тӥ арын 26-тӥ гудырикошконэ Сарапулын ортчиз тазалыкез утёнъя Форум. Ужрадэ пыриськиз Кун Кенешлэн тӧроезлэн нырысетӥ воштӥсез, тазалыкез утёнъя, демографияя но семья политикая ялан ужась ӧрилэн кивалтӥсез Светлана Кривилёва, карлэн кивалтӥсез Александр Ессен, Сарапулысь администрациосысь но министерствоосысь ужасьёс.
Форуме лыктэмъёс эмъясьёсын кенешыны быгатӥзы. Татын ужазы терапевт, кардиолог, онколог, дерматовенеролог, опорно-двигательной аппаратлэн висёнъёсызъя, тазалыко сиськонъя эмчиос. Озьы ик, котькудӥз быгатӥз мерттаны аслэсьтыз вирзӥбетсэ, ӝуждалазэ но секталазэ. Со сяна, ужрадын спортъя но творчествоя площадкаос ужазы.
Светлана Кривилева Форуме лыктэмъёслы вераз Удмуртиысь законъёс сярысь, кудъёсыз мерлыко удысэз азинтонэн герӟамын. Со сяна пусйиз, кызьы элькунын трос нылпиен семьяослы но начар улӥсь семьяослы юртто.
Таӵе Форумъёс Удмуртиын азьланьтӥськозы. Гудырикошкон но куарусён толэзьёсы соос ортчозы Яр, Балезино ёросъёсын но Глазов карын.