Владимир Невоструев Ольга Казанцеваез но Ольга Черкасоваез вордскем нуналэнызы ӟечкылаз

Элькун парламентын аппарат совещание ортчыку Кун Кенешлэн Тӧроез Владимир Невоструев вордскем нуналэнызы Президиумлэсь ёзчиоссэ ӟечкылаз - тодосъя, дышетонъя, лулчеберетъя но егитъёсын ужан политикая ялан ужась ӧрилэсь тӧроезлэсь кивоштӥсьсэ Ольга Черкасоваез но мерлыко политикая ялан ужась ӧрилэсь кивалтӥсьсэ Ольга Казанцеваез, кудӥз берло кӧснуналэ аслэсьтыз юбилейзэ пусйиз.
«Тӥ туж трос лэсьтӥськоды асьтэлэн бырйисьёсты понна, арлыдоос но пиналъёс сярысь котьку сюлмаськиськоды. Озьы ик мылысь-кыдысь элькун понна азьланяз но ужалэ», - сӥзиз Кун Кенешлэн Тӧроез Ольга Казанцевалы. Владимир Невоструев ялан ужась ӧрилэн кивалтӥсезлы ӟечкылан адрес но Кун Кенешлэсь Данъян грамотазэ сётӥз.