Удмуртиын ортчиз егит парламентариослэн элькун форумзы
18.08.2016
Вотка ёросысь «Галёво» спортлагерьын ортчиз шаерысьтымы егит парламентариослэн «Инициатива» форумзы.
Ужрадэ ёросъёсысь но городъёсысь егитъёслэн парламентъёсысьтызы 120 мурт люкаськиз. Форумез люкан сярысь малпан кылдӥз ни вал, Кун Кенешысь Егитъёслэсь парламентсэс кылдытыку ик. Угось егит парламентарийёслы пумиськылыны, проектъёсын тодматскыны, законъёслэн ужамзы сярысь кенешыны площадка кулэ ни вал.
Сыӵе луонлык усьтӥськиз. Ужрадэ пыриськиз Кун Кенешлэн Тӧроез Владимир Невоструев. Ӵапак солы егитъёслэн гурт удыс, специалистъёслы юрттэт сётон, улон интыез умоятон сярысь сюлмаськытӥсь юанъёссэс сётэмзы луиз.
«Асьсэ ёроссы понна вань сюлмысь висись егитъёс уногес мед луозы вылэм», - шуиз Владимир Невоструев.
Таӵе ужрадэз арлы быдэ ортчытъяны, отчы Приволжск федерал округысь но егитъёсты кыскыны чакламын.