Интыосын ужан – пайдаё
17.08.2016
Кылем арын Дэри ёросын ортчиз Кун Кенешлэн нуналыз. Воштӥськиз-а ёрослэн улон-вылонэз со дырысен? Та ужпумез эскеризы Кун Кенешлэн Президиумаз.
Дэри ёросын ортчем котырес ӝок сьӧрын кенешонъёс дыръя районлэсь улон-вылонзэ умоятонъя 23 ужрад чакламын вал. Кун Кенешысь Кунэз радъянъя но интыысь аскивалтонъя ялан ужась ӧрилэн кивалтӥсез Наталья Кузнецова верамъя, та полысь быдэсмемын 12-ез. Кылемзэ улонэ пыӵатозы ар пумозь.
Интыосы потаса, ялан ужась ӧриос матэгес тодматско, кызьы быдэсъясько соиз я таиз законъёс, кыӵе соослэн пайдазы но тырмымтэзы. Кенешонъёс дыръя кылдо выль законопроектъёс яке законэ воштонъёс пыртонъя ӵектонъёс.
«Азьланяз но, ёросъёсы потаса, ужано - пайдаез шодӥське», - шуиз Кун Кенешлэн Тӧроез Владимир Невоструев.
Туэ ар пумозь Кун Кенешлэсь нуналзэ Воткаын ортчытыны дэмланъёс вань.