Депутатъёс Кун Кенеше быръёнъёсын чакласьёслэсь лыдзэс юнматыны ӵекто

Удмуртиысь Кун Кенеш муниципал депутатъёслэсь ужоскетъёссылэсь дырзэ кулэстыны но элькун парламентэ быръёнъёсын чакласьёслэсь лыдзэс юнматыны ӵектэ. Сӥзьыл сессиын сыӵе катӵектосъёсты эскерыны дэмлало кунэз лэсьтонъя но интыысь аскивалтонъя ялан ужась ӧрилэн ёзчиосыз.
Интыысь аскивалтон ёзэсысь депутатъёслэсь ужоскетъёссылэсь дырзэ 4 ар 10 толэзьысь 4 ар 6 толэзёзь кулэстыны чаклало.
Нырысетӥ лыдӟемен кутыны ӵектэмын элькунысь Кун Кенеше депутатъёсты быръён радлыке тупатонъёс пыртон сярысь катэз.
Нырысь ик, кандидатлы депутатлэсь мандатсэ басьтонлэсь одӥг пол палэнскыны но со дыре ик муниципал списоке кыльыны луонлык сётыны быгатозы. Отысь сое поттозы кыкетӥ ползэ мандат басьтыны пумит луиз ке.
Кыкетӥез, быръёнъёсты чакласьёслэн сӧзнэтазы тупатонъёс ӵектӥсько. Катӵектосъя, быръёнъёсъя котькуд ӧрие одӥг партилэсь, кандидатлэсь яке мерлыко огазеяськонлэсь кыклэсь трос чакласьёсты юнматыны уз луы. Соос куара сётон интыын огзэс огзы вошъяса ужаны быгато.
Быръёнъёсъя федерал катрадлыке воштонъёс пыртэмен валче чакламын, дебатъёсы асьсэос гинэ кандидатъёс пыриськыны быгато шуыса. Куронэз ӧз ке быдэстэ, эфирын дыр вожвылъяськисьлы сётӥське.
Со сяна, ӧтён-ӝуткан материалъёсты ужбергатӥсь луисьтэм нимаз адямиос печатланы уз быгатэ, кандидат луисьтэм муртъёсты ӧтён-ӝуткан материалъёсын возьматыны уз яра шуыса чаклаське. Со дыре ик, кандидатэз трос калык пӧлын возьматыны яра.