Владимир Невоструев Шаркан ёросысь гурт удысын ужасьёсын пумиськиз
09.08.2016
9-тӥ гудырикошконэ 2016-тӥ арын Кун Кенешлэн Тӧроез Владимир Невоструев Шаркан ёросысь гурт удысын ужасьёсын пумиськиз. Гурт удысъя но сиён-юонъя специалистъёс ортчем жыны арлы йылпумъянъёс лэсьтӥзы. Вуж Быгы гуртын ортчем совещание озьы ик пыриськизы гурт удысъя но сиён-юонъя министр Александр Прохоров, хозяйствоослэн кивалтӥсьёссы, фермеръёс, инженеръёс, зоотехникъёс.
Озьы ик пудо-живот удыслэсь ужамзэ эскеризы. Оглом вераса, 2016-тӥ арлэн 7 толэзезлы поттэмын 22902 тонна йӧл. Со 9,3 процентлы кылем арлэсь тросгес. Со сяна, вераськон ӝутӥзы толлы сиён дасян но ю-нянез октон-калтон сярысь но.
Туннэ ик Владимир Невоструев Элькун Тӧроен Александр Соловьёвен ӵош «Шаркан-трикотаж» фабрикае, Шаркан школа-интернатэ но Шаркан черкогуртын лулчеберетъя но шутэтсконъя центрез ӝутон интые вуылӥзы.