Владимир Невоструев Грак ёросэ вуылӥз
03.08.2016
2-тӥ гудырикошконэ 2016-тӥ арын Кун Кенешлэн Тӧроез Владимир Невоструев Грак ёросэ вуылӥз. Элькун парламентлэн кивалтӥсез Вылысь Игра гуртысь «Родина» хозяйстволэн уженыз тодматскиз.
Та нуналэ ик Владимир Невоструев Грак ёрос эмъяськонние пыраз, ужасьёсын, эмчиосын но йонатӥськисьёсын вераськиз. Лолошур-Возжа муниципал кылдытэтын Кун Кенешлэн Тӧроез калыкен мерлыко удыс сярысь вераськон ӝутиз, гуртоосты сюлмаськытӥсь юанъёслы валэктон сётъяз. Пумиськонэ озьы ик пыриськизы Кун Думалэн Тӧроезлэн воштӥсез Андрей Исаев но Кун Кенешысь Экономикаын политикая, промышленностья но инвестициосъя ялан ужась ӧрилэн кивалтисез Валерий Бузилов.