Версия для слабовидящих
Иван Черезов Олимпи шудонъёслэн призёреныз Ульяна Нигматуллинаен пумиськонэ пыриськиз

Иван Черезов Олимпи шудонъёслэн призёреныз Ульяна Нигматуллинаен пумиськонэ пыриськиз

09.03.2022
Иван Черезов Олимпи шудонъёслэн призёреныз Ульяна Нигматуллинаен пумиськонэ пыриськиз
Туннэ Удмуртилэн Тӧроез Александр Бречалов Ульяна Нигматуллинаен пумиськылӥз. Биатлонистка Пекинын ортчем Олимпиадаын смешанной эстафетаын бронзовой медаль утӥз, нош нылкышноослэн эстафетаязы - азвесь. Со понна Россилэн Президентэз солы "За заслуги перед отечеством" орденлэсь I степенё медальзэ сётӥз.
8-тӥ южтолэзе солы 28 арес тырмиз. Александр Бречалов Ульяна Нигматуллинаез вылӥ интыосыныз но ортчем вордскем нуналэныз ӟечкылаз.
«Ми котькуд гонкаез сюлмаськыса учкимы, тужгес но нылкышноослэсь эстафетазэс, - вераз Александр Бречалов. - Табере Дунне ӵошатсконъёсын зарни медаль гинэ утыны кылиз на».
Озьы ик пумиськонэ пыриськизы Кун Кенешысь мугорез кыдатонъя, спортъя но егитъёсын ужан политикая ялан ужась комиссилэн тӧроез, дано биатлонист Иван Черезов, Ульяналэн тренерез Ильшат Нигматуллин, Удмуртысь биатлонъя сборнойлэн ыбылӥськонъя тренерез Константин Вежеев.

Возврат к списку