Версия для слабовидящих
Егитъёслэн Кун Кенеш бордын ужась парламентсылэн витетӥ ӧтчамезлэн Президиумезлэн кенешонэз ортчиз

Егитъёслэн Кун Кенеш бордын ужась парламентсылэн витетӥ ӧтчамезлэн Президиумезлэн кенешонэз ортчиз

18.10.2021
Егитъёслэн Кун Кенеш бордын ужась парламентсылэн Президиумез 15 коньывуонэ видеоконференция амалэн кенешонзэ ортчытӥз. Вераськонэз нуиз Александр Перевозчиков. Кенешонлэн ужаз пыриськиз Кун Кенешысь физкультурая, спортъя но егитъёсын ужан политикая комиссилэн кивалтӥсез Иван Черезов.
Президиумлэн ёзчиосыз инвожоысен коньывуон толэзёзь лэсьтэм ужъёслы йылпумъянъёс лэсьтӥзы, ар пумозь быдэстыны чаклам ужпумъёсты пусйизы. Нимысьтыз саклык висъязы гуртын улӥсь егитъёслэсь нырысетӥ Форумзэс радъянлы. Со Удмуртиын туэ толсур толэзе ортчыны кулэ. Форум гуртъёсысь егитъёсты огазеяны, соослы сюлмаськытӥсь ужпумъёссэс сэрттыны-пертчыны, пӧртэм ӧръёсъя тодон-валанъёс басьтыны луонлык сётоз.
Форумлэн программаез 6 пӧртэм удысъёсъя люкемын: гурт удысын ужась егит ӧнерчиос, гурт возёслы ужасьёсты дасясь дышетсконниосысь студентъёс, ужбергатӥсьёс но егит фермеръёс, волонтёръёс но мерлыко огазеяськонъёслэн ёзчиоссы, промышленной предприятиосын ужасьёс но профсоюз огазеяськонъёслэн ёзчиоссы, ожгар но спорт удысъёсъя ужась огазеяськонъёслэн ёзчиоссы.



Возврат к списку