Версия для слабовидящих
Удмуртиын улӥсь калыкъёслэн арберилыктэм (нематериальной) лулчеберет кылёсбурзы сярысь катӵектосэз дасян уж йылпумъяськиз

Удмуртиын улӥсь калыкъёслэн арберилыктэм (нематериальной) лулчеберет кылёсбурзы сярысь катӵектосэз дасян уж йылпумъяськиз

16.06.2021
Удмуртиын улӥсь калыкъёслэн арберилыктэм (нематериальной) лулчеберет кылёсбурзы сярысь катӵектосэз дасян уж йылпумъяськиз
Татьяна Ишматова наукая, дышетонъя, культурая, туризмъя но йӧскалык политикая ялан ужась ӧрилэсь кенешонзэ ортчытӥз. Депутатъёс «Удмуртиысь арберилыктэм (нематериальной) кылёсбурез утён сярысь» катлэсь ӵектоссэ эскеризы. Сое дасян уж мытэмын вал 2021 арын южтолэзе.
Выль катӵектос Удмуртиын улӥсь калыкъёслэсь арберилыктэм лулчеберет кылёсбурзэс шараян, утён, эскерон, кутон но вӧлмытон ужез радъян понна чакламын. Арберилыктэм лулчеберет кылёсбур пӧлы пыро калык сям-йылолъёс, тодон-валанъёс, кырӟан-веранъёс. Соослэн нимысьтыз реестрзы кылдытэмын луыны кулэ. Катӵектосын кунлэн лулчеберет кылёсбурен ужанъя политикаез но солэн ӧръёсыз пусъемын.
Катӵектосэз дасян уже пыриськизы Удмуртиысь лулчеберетъя Министерствоысь, наукаосъя Росси академилэн Урал ёзысьтыз эскеронъёсъя Удмурт федерал центрлэн история, кылъя но литературая Удмурт институтысьтыз, Удмурт Элькунысь Кузебай Герд нимо Йӧскалык музейысь, Удмурт кун университетысь искусствоосъя но дизайнъя Институтысь, Кун Кенешлэн Аппаратысьтыз ӧнерчиос.
Ялан ужась комиссия проектэз умоен лыдъяз но сое Кун Кенешлэн матысь сессияз кутыны дэмлаз. Депутатъёс озьы ик «Удмурт Элькунлэсь бюджетсэ 2020 арын быдэстэм сярысь» катлэн ӵектосэз понна дурбасьтӥзы.

Возврат к списку